Na miescy bratoŭ Janukievičaŭ z Frontu ja b źviazaŭsia z ukrainskim priemjeram Viktaram Janukovičam, admačyŭ by, što jany jamu dalokija rodzičy i mohuć paŭzdielničać u jaho prajekcie adradžeńnia vioski Januki. Janukovič maje namier adradzić svaje familnaje hniazdo viosku Januki za košt pierasialeńnia tudy ŭsich biełaruskich Janukovičaŭ i inviestycyj (mova idzie pra niekalki dziesiatkaŭ tysiač baksaŭ). Čamu b frontaŭcam nie zachapić prajekt? Ujaŭlajecie - pryjezžaje «praffiessar» praź niekalki hadoŭ u Januki, a tam –štab apazicyi. A baćka ničoha zrabić nia moža. Nie budzie ž jon sapsavać adnosiny z antyaranžavymi.
Aktyvisty novaha krymloŭskaha prajektu – «Spraviedlivaja Rasieja» atrymali u narodzie mianušku «esiery». Ci nie pastaŭleny na hetym kryž namieram častki ajčynnych levych adradzić lehiendarnuju biełaruskuju partyju eseraŭ i vykarystovyvać jaje brend i histaryčnuju spadčynu dla svajoj raskrutki. Hetym vielmi praduktyŭna zajmajucca dašnaki ŭ Armienii. Ciapier tolki daviedajucca, što ty esejer ciabie adrazu zkažuć: «vau, jak kruta! Vy, kštałtu taksama Kreml na babło razvodzicie?»
Cikava jak prakamientuje fakt śmierci Pinačeta sp. Siaredzič? Tupy antypinačetaŭski prahon stanie poŭnym farsam. U svoj čas, zdajecca ŭ 98-ym, «Narodnaja vola» najechała na brytancaŭ za toje, što tyja aryštavali eks-dyktatara ŭ Londanie. Tady jašče modna było simpatyzyvać usim, chto mačyŭ kamunistaŭ i levych. Zaraz – užo niepalitkarrektna. Raju Siaredziču - zrabić nastupnuju fišku:»tak, my padtrymlivali Pinačeta ŭ 98-ym, adnak heta byŭ taktyčny krok, tamu što tady los demakratyi ŭ Čyli jašče nie byŭ vyznačanym i demakratam dla ahitacyi byŭ patrebny chadziačy symbal usiaho niehatyŭnaha, niejki «doktar złość». Tamu Pinačet pavinien byŭ być u Čyli. Ciapier demakratyja kančatkova pieramahła i my možam ščyra zkazać, što Pinačet – kaka». Moža prakanaje.
Lubimy Tageszeitung pakryŭdziŭsia : u 2005 hodzie adznačyli 200-uju hadavinu naradžeńnia Hansa Andersiena. Hałoŭnym pradviham i andersanaviedaŭ stała viersija, što vieliki kazačnik byŭ łatentnym «błakitnym». Adnak, i heta kryŭdzić hazetčykaŭ, padčas novych pastanovak pavodle jaho tvoraŭ nivodny režysior pakul što nie ŭziaŭ hetuju akaličnaść pad uvahu. Ujaviŭ siabie «Śniežnuju karalevu» u madernovaj interprytacyi. Atrymlivajecca, što jana (śniežnaja karaleva, jakaja zkrała Kaja), była jon. Prykolna!
