Pa padazreńni ŭ ździajśnieńni teraktu ŭ minskim mietro zatrymana ŭžo piać čałaviek, paviedamiŭ žurnalistam 14 krasavika namieśnik hienieralnaha prakurora Biełarusi, kiraŭnik śledčaj hrupy Andrej Švied. Usie zatrymanyja — maładyja ludzi ŭzrostam da 30 hadoŭ.
Pa padazreńni ŭ terarystyčnym akcie 11 krasavika ŭ mienskim mietro zatrymana piać čałaviek. U adnosinach da dvaich abranaja miera strymańnia ŭ vyhladzie zaklučeńnia pad vartu -- heta [mierkavany] niepasredny vykanaŭca i asoba, jakaja jamu spryjaje.
Pra heta na pres-kanfierencyi 14 krasavika zajaviŭ namieśnik hienieralnaha prakurora -- načalnik śledčaha ŭpraŭleńnia Hienieralnaj prakuratury Biełarusi Andrej Švied.
Pavodle jaho słoŭ, charaktar i maštaby zdareńnia patrabujuć vialikaj kolkaści śledčych dziejańniaŭ.
Pa słovach Švieda, na miescy złačynstva sabrana bolš za tysiaču rečavych dokazaŭ, ź jakimi viadziecca praca. «Z kožnym paciarpiełym my praviadziem pracu, častka ŭžo apytana. Viadziecca pastajannaja rabota, kab zafiksavać usie dokazy hetaha złačynstva i vykryć usich vinavatych -- nie tolki vykanaŭcaŭ, ale i mahčymych arhanizataraŭ», -- skazaŭ Švied.
«Nami ŭstanoŭlena miesca, dzie vyrablalisia vybuchovyja rečyvy i bomba, jakaja była pryviedziena ŭ dziejańnie terarystam na stancyi mietro« Kastryčnickaja». Na miescy vyrabu hetaj bomby vyjaŭlenyja dokazy, to jość elemienty, frahmienty, detali, jakija ŭ svajoj sukupnaści pakazvajuć nam, jakim čynam, u jaki čas i ź jakich detalaŭ była vyrablena vybuchovaja pryłada», -- śćviardžaje namieśnik hienprakurora.
Sposab vybuchu byŭ radyjokiravany.
Žurnalistam byli prademanstravany kadry zapisy kamier videanazirańnia, na jakich bačny praces pieramiaščeńnia terarysta.
"Adrazu paśla vybuchu pastupiła šmat paviedamleńniaŭ ad hramadzian. Dakładnaha liku niama, ale heta tysiačy. Kožnaje paviedamleńnie, kožny zvanok pavinien być pravierany, i my praviarajem kožnuju infarmacyju. Vyznačany abjom hetaj infarmacyi akazaŭ sadziejničańnie ŭ raskryćci hetaha złačynstva », -- skazaŭ Andrej Švied.
Z nahody charaktaru vybuchovaj pryłady namieśnik načalnika śledčaha ŭpraŭleńnia Hienieralnaj prakuratury Maksim Varonin adznačyŭ, što «ahlad miesca zdareńnia na stancyi «Kastryčnickaja» pravodziŭsia nie adzin raz, u tym liku z pryciahnieńniem zamiežnych śpiecyjalistaŭ. Asablivaja ŭvaha nadavałasia ahladu paškodžanaha elektraciahnika (hetaja praca viałasia niekalki dzion). Usie hetyja dziejańni ažyćciaŭlalisia samym dbajnym čynam, kab ustanavić maksimalnuju dokaznuju bazu, vyrazna i jasna zamacavać ujaŭleńnie ab charaktarystykach vybuchovaj pryłady. Na siońnia nieabchodnyja ŭzory kanfiskavanyja, pryznačanyja ekśpiertyzy, jość dosyć arhumientavanyja dumki, ale ŭ intaresach śledstva ad kamientaroŭ my pakul ŭstrymajemsia».
Andrej Švied dadaŭ, što vybuchovaja pryłada było vyrablena nie ŭ Minsku.
Pavodle jaho słoŭ, śledstva budzie vieścisia stolki času, kolki spatrebicca, ale, pa mahčymaści, «u samyja ścisłyja terminy». «Hałoŭnaja zadača śledstva -- sabrać usie nieabchodnyja dokazy vinavataści padazravanych. My pačynajem da pracy pa adnaŭleńni koła ŭsich datyčnych da dadzienaha złačynstva, -- skazaŭ Andrej Švied, -- a mieru pakarańnia vyznačyć sud».
«U nas dastatkova pierakanaŭčych dokazaŭ, što vykanaŭca -- adna z asob, jakija ciapier znachodziacca ŭ śledčym izalatary. Taksama jość dokazy, što hetaja asoba vyrablała tuju vybuchovuju pryładu, jakaja nie vybuchnuła, a była vyjaŭlenaja 3 lipienia 2008 hoda», -- skazaŭ Švied.
Zatrymanyja -- hramadzianie Biełarusi, uzrost -- da 30 hadoŭ, niesudzimyja.
Pa słovach Andreja Švieda, pytańnie ab viersijach teraktu bolš nie aktualny (raniej KDB nazyvała try viersii), a ab matyvach, jakija šturchnuli zatrymanych da teraktu, možna budzie havaryć paźniej.
Namieśnik hienprakurora paprasiŭ žurnalistaŭ daviarać infarmacyi tolki ad aficyjnych asob i «nie łavić kačak». U pryvatnaści, heta tyčycca historyi z paciarpiełaj Marynaj Šubič, jakaja, pavodle infarmacyi niekatorych ŚMI, lažała pad abłomkami na stancyi mietro ŭ toj čas, kali miesca nadzvyčajnaha zdareńnia naviedvaŭ kiraŭnik dziaržavy.
«Pravodziŭsia analiz vyjavaŭ nie tolki kamier mietrapalitena, ale i kamier na vulicach. Adna ź ich vyrazna zafiksavała tvar hetaha čałavieka (vykanaŭcy teraktu). U toj čas złačyniec pakidaŭ miesca złačynstva. Ustanoŭleny ŭvieś šlach jahonaha adychodu», -- skazaŭ Andrej Švied.
«Majucca pierakanaŭčyja dokazy, što vybuchovyja pryłady ŭ Viciebsku ŭ 2005 hodzie, adno padarvanaje i adno niepadarvanaje ŭ lipieni 2008-ha i taja pryłada, jakaja vybuchnuła 11 krasavika, byli vyrableny adnoj asobaj», -- adznačyŭ Švied.
Imiony zatrymanych śledstva zaraz abnarodavać nie budzie.
Andrej Švied taksama adznačyŭ, što ŭsich diezinfarmataraŭ i raspaŭsiudžvalnikaŭ paničnych čutak vykličuć ŭ prakuraturu.
«Usie zajavy, jakija ŭtrymlivajuć zahadzia iłžyvuju, zahadzia niapeŭnuju infarmacyju, u tym liku źviazanuju z chodam rasśledavańnia kryminalnaj spravy pa fakcie teraktu, praviarajucca śledčym šlacham -- z usimi vynikajučymi adsiul nastupstvami, -- papiaredziŭ Andrej Švied. -- Usich tak zvanych panikioraŭ, raspaŭsiudnikaŭ dezinfarmacyi, adkrytaj chłuśni budziem vyklikać, dapytvać (niekatorych užo dapytvali) i prymać pracesualnyja rašeńni».
Peŭnyja proźviščy vyklikanych u prakuraturu jon nazvać admoviŭsia z arhumientacyjaj «my ŭ hetym kirunku pracujem".
Namieśnik hienieralnaha prakurora dadaŭ: «Čym bolš budzie chłuśni, tym bolš budzie takich voś «tavaryšaŭ».
