26 krasavika pačaŭsia aficyjny vizit va Ukrainu ministra abarony Biełarusi Juryja Žadobina.
Jak paviedamiła pres-słužba biełaruskaha abaronnaha viedamstva, padčas vizitu płanujecca praviadzieńnie dvuchbakovych sustreč z kiraŭnictvam Ministerstva abarony Ukrainy, u miežach jakich buduć razhledžanyja pytańni dalejšaha raźvićcia vajennaha supracoŭnictva.
Pavodle infarmacyi pres-słužby Minabarony Ukrainy, 27 krasavika aprača sustrečy Juryja Žadobina z ukrainskim kaleham Michaiłam Ježelem adbuducca pieramovy vajennych delehacyj dźviuch krain. Na hetych mierapryjemstvach buduć praviedzienyja vajenna-palityčnyja kansultacyi i abmierkavanyja pierśpiektyvy ŭzajemadziejańnia ŭ abaronnaj śfiery.
Biełaruskija vajennyja aznajomiacca ź sistemaj padrychtoŭki kadraŭ u Nacyjanalnym univiersitecie abarony Ukrainy i Centry padrychtoŭki aficeraŭ dla šmatnacyjanalnych štaboŭ, a taksama zadačami, strukturaj i asnoŭnymi sistemami ŭzbrajeńnia i vajennaj techniki asobnaha pałka prezidenta Ukrainy.
Aprača taho, prahramaj vizitu praduhledžanaje naviedvańnie biełaruskaj delehacyjaj niekatorych pradpryjemstvaŭ vajenna-pramysłovaha kompleksu Ukrainy.
Vizit zavieršycca 27 krasavika.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
