Stancyja minskaha mietro «Akademija navuk» uviečary 26 krasavika časova zakryta dla pasažyraŭ, ciahniki na joj nie spyniajucca.
Takim čynam, ułady, aścierahajučysia, što aktyvisty apazicyi źbiarucca, nasupierak zabaronie, na placoŭcy pierad budynkam prezidyuma Akademii navuk dla ŭdziełu ŭ čarnobylskim šeści, zakryli ažyŭlenuju stancyju mietro ŭ čas pik, kali tysiačy ludziej viartajucca paśla pracy damoŭ.
Jak raniej paviedamlaŭ BiełaPAN, placoŭka pierad budynkam Akademii navuk aharodžana turnikietami. Tut dziažurać supracoŭniki milicyi i ludzi ŭ cyvilnym. Za budynkam prezidyuma — niekalki milicejskich mašyn i aŭtobusaŭ.
Nahadajem, arhanizatary tradycyjnaha šeścia «Čarnobylski šlach» admovilisia ad jaho praviadzieńnia ŭ suviazi z zabaronaj Minharvykankama. Jany vyrašyli abmiežavacca praviadzieńniem dazvolenaha mitynhu kala Čarnobylskaj kaplicy na płoščy Banhałor.
Mitynh pačaŭsia, a
