Pra heta havorycca ŭ paviedamleńni departamienta infarmacyjnaj palityki ŭkrainskaha MZS.
Nahadajem, 26 krasavika Łukašenka padčas hutarki z žurnalistami ŭ Naroŭli (Homielskaja vobłaść) zrabiŭ rezkija vykazvańni na adras kiraŭnictva Ukrainy i Jeŭrasajuza. U pryvatnaści, pa adkaz na pytańnie, čamu jon nie prysutničaŭ va Ukrainie na mierapryjemstvach, pryśviečanych
«Na žal, vašyvaści chapaje i ŭ ciapierašniaha kiraŭnictva Ukrainy. Pytańnie treba zadać Janukoviču, čamu biełaruski prezident nie prysutničaje na ich mierapryjemstvach», — skazaŭ Łukašenka. Pavodle jaho mierkavańnia, Kijeŭ pačaŭ «skakać pad dudku» Brusiela ŭ adnosinach ź Biełaruśsiu.
U kamientary MZS Ukrainy, tekst jakoha maje BiełaPAN, padkreślivajecca, što avaryja na ČAES źjaŭlajecca trahiedyjaj, jakaja abjadnoŭvaje try susiednija i družalubnyja narody — ukraincaŭ, biełarusaŭ i rasijan.
«Pamiać pra achviar radyjacyjnaj katastrofy pavinna być źvianom kansalidavańnia dla našych krain. Mienavita z hetych mierkavańniaŭ zychodziŭ prezident Ukrainy Viktar Janukovič, zaprašajučy svaich kaleh — prezidentaŭ Rasijskaj Fiederacyi i Respubliki Biełaruś razam ušanavać zahinułych u vyniku vybuchu na ČAES mienavita ŭ dzień, kali adbyłasia najbujniejšaja technahiennaja katastrofa ŭ historyi čałaviectva. U hetym mierapryjemstvie nie było i nie mahło być nijakaj palityki.
U hety dzień lubyja svarki i ŭzajemnyja pretenzii tojesnyja skokam na kaściach», — havorycca ŭ kamientaryi.
«Tym bolšaje abureńnie vyklikajuć biesprecedentna niekarektnyja kamientary prezidenta Biełarusi Alaksandra Łukašenki. Asabistyja abrazy nieprymalnyja ŭ znosinach pamiž ludźmi. Asabliva jany nieprymalnyja, kali abraźlivyja vykazvańni adrasujucca dziaržaŭnym dziejačam, jakija vystupajuć ad suvierennych krain i cełych abjadnańniaŭ krain», — adznačajecca ŭ paviedamleńni MZS.
Ukrainskaje MZS sa škadavańniem kanstatuje, što «padychody aficyjnaha Minska da adnosin ź Jeŭrapiejskim sajuzam, mnohimi inšymi ŭdzielnikami mižnarodnaj supolnaści ŭ apošnija miesiacy ŭsio mienš adpaviadajuć normam mižnarodnych znosin».
«Ukrainskaja dziaržava, ukrainski narod niepachisnyja ŭ svaim ciopłym, siabroŭskim staŭleńni da biełaruskaha naroda. U dzień pamiaci achviar trahiedyi na ČAES my padzialajem bol našych susiedziaŭ, hetak ža, jak jany, nie sumniavajemsia, padzialajuć našu. Spadziajemsia, kiraŭnictvu Biełarusi chopić adkaznaści pierad ułasnymi hramadzianami viarnucca da kanstruktyŭnaj palityki supracoŭnictva i z Ukrainaj, i ź ES, jakija žadajuć bačyć Respubliku Biełaruś kvitniejučaj, demakratyčnaj i paśpiachovaj», — adznačajecca ŭ kamientaryi MZS Ukrainy.
26 krasavika ŭ Čarnobyli sustrelisia prezidenty Rasii i Ukrainy. Dźmitryj Miadźviedzieŭ i Viktar Janukovič uskłali kvietki da miemaryjała likvidataram avaryi na ČAES, uziali ŭdzieł u cyrymonii zakładki pieršaha kamienia ŭ asnovu pomnika.
