Jeŭrakamisija: Łukašenka nie abrany prezident — takim nie adkazvajuć 45

Jeŭrapiejskaja kamisija nie maje namieru kamientavać zajavu Alaksandra Łukašenki na adras prezidenta JEK Žaze Manueła Barozu.

«My nie pryznajem jaho demakratyčna abranym prezydentam Respubliki Biełaruś. U JEK niama praktyki kamientavać zajavy zvyčajnych hramadzianaŭ», — skazała ŭ aŭtorak u Bruseli ahienctvu «Interfaks-Ukraina» krynica ŭ Jeŭrapiejskaj kamisii.

Akramia taho, surazmoŭca ahienctva taksama zajaviŭ, što infarmacyja pra nibyta ŭmovu, vyłučanuju Ž. M. Barozu ŭdzielničać u Čarnobylskim samicie vyklučna ŭ vypadku adsutnaści A. Łukašenki, nie adpaviadaje rečaisnaści. «Takaja ŭmova nikoli nie vyłučałasia. Nie zrazumieła, kamu vyhadna tyražavać chłuślivuju infarmacyju», — skazała krynica.

Aficyjny pradstaŭnik JEK Aliŭje Bali paćvierdziŭ ahienctvu pazicyju Jeŭrakamisii nie kamientavać zajavu A. Łukašenki.

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH