Pra heta zajaviŭ historyk Dźmitryj Drozd u časie svajho apošniaha słova na pracesie ŭdzielnikaŭ Płoščy. Za ŭdzieł u «masavych biesparadkach» prakuror paprasiŭ zasudzić historyka na 3,5 hoda pazbaŭleńnia voli.
«Usprymaju svajo apošniaje słova jak sapraŭdy apošniaje.
Usie svaje 40 hadoŭ ja nie rychtavaŭsia da turmy, abychodziŭ błatnyja kampanii. Dla mianie jak historyka toje, što ja naziraju prosta jak padarunak losu.
Na mašynie času my pieranieślisia ŭ 1938 hod. Ja apynuŭsia ŭ kletcy za toje, što ja lublu Biełaruś.
Treba adrazu brać rečy i źjazdžać z krainy, kab nie bačyć kataŭ. Dośvied majoj siamji pakazvaje, što,
kali da ŭłady prychodziać takija ludzi, treba źjazdžać».
Sudździa jaho pierabivaje i zaklikaje kazać pra materyjały spravy.
Drozd kaža, što siem hadoŭ žyŭ u Rasii, u jaho była dobraja praca, u jaho była kvatera ŭ centry Maskvy, ale jon chacieŭ zrabić niešta bolšaje. Kaža, što dapuściŭ pamyłku, viarnuŭšysia ŭ Biełaruś, bo lubiŭ svaju krainu.
«Vybary byli sfalsifikavanyja», — spakojna i ŭpeŭniena paŭtaraje Drozd.
Sudździa trymajecca, maŭčyć.
«U nas, tych, chto vyjšaŭ na Płošču, była nahoda heta zrabić. Nichto nie płanavaŭ ekstremisckich dziejańniaŭ. Inačaj by ja braŭ
Śledčy adrazu skazaŭ mnie — nie pryznaješ vinu, atrymaješ try z pałovaj hady; pryznaješ — try hady…
„Za try ŭdary pa došcy try hady źniavoleńnia — heta narmalna?“ — zadaje rytaryčnaje pytańnie Drozd. — „Ludzi byli nastrojeny mirna, pakul ich nie stali bić dubinkami. Ja razumieju, čamu abvinavaŭca nie choča hladzić hetaje videa“.
„Tolki ŭ nas u krainie biełaje nazyvajuć čornym, a čornaje — biełym.
Niezdarma BT nazyvajuć „
Ja nie baču nivodnaha punkta zakona, jaki ja parušyŭ.
Ja padyšoŭ da dźviarej apošnim, kali ŭžo bieh śpiecnaz. Svajo pakarańnie ja atrymaŭ ad śpiecnazaŭcaŭ nie adychodziačy ad miesca — pa hałavie i pa śpinie. Ja adbyŭ 10 sutak administracyjnaha pakarańnia ŭ Žodzina. Ciapier ja siadžu čaćviorty miesiac u SIZA. Mianie ličać złosnym złačyncam, jaki źbiažyć z krainy.
Ja nie ekstremist, a čałaviek, jaki lubić svaju krainu», — praciahvaje Drozd.
«Ja prašu dać mnie vosiem, dziesiać hadoŭ, ale kab ja moh być doma i realizoŭvać svaje tvorčyja płany».
