Alaksandar Łukašenka miarkuje, što va ŭmovach cisku na Biełaruś zvonku nieabchodna «žyć pa srodkach i ekanomić».
Jak zaznačyŭ siońnia prezydent pry razhladzie kadravych pytańniaŭ, Biełaruś u svaim raźvićci ŭžo dabiłasia peŭnych vynikaŭ. «Čym bolej my bolš mieć pośpiechaŭ, tym bolš nas buduć paddušvać, prytym z roznych bakoŭ. U tych umovach samaje hałoŭnaje — umieć žyć pa srodkach i ekanomić, asabliva enerharesursy. Pieradusim, u realnym sektary ekanomiki», ‑ skazaŭ A. Łukašenka. Pra heta BIEŁTA paviedamili ŭ pres‑słužbie biełaruskaha lidera.
Kiraŭnik dziaržavy padkreśliŭ, što z 1 studzienia ŭ krainie naležyć značna aktyvizavać pracu pa pavyšeńni efektyŭnaści kiravańnia narodnaj haspadarkaj krainy. Spahnańnie z kožnaha za daručany jamu ŭčastak pracy i najaŭnaść realnaha vyniku budzie surjoznaje, zajaviŭ prezydent.
Łukašenka ŭkazaŭ kiraŭnictvu Kamitetu dziaržkantrolu na nieabchodnaść žorstka kantralavać vykanańnie zakanadaŭstva pa vykarystańni majomaści, ziemlaŭ i lasoŭ.
