Čym abierniecca dla biełaruskaha rubla padaražańnie rasiejskich enerhanośbitaŭ? Ci varta čakać devalvacyi nacyjanalnaj valuty i ŭ jakoj valucie najlepiej zachoŭvać svaje źbieražeńni? Na hetyja pytańni adkazvaje ekanamičny ahladalnik hazety «Biełorusy i rynok» Uładzimier Tarasaŭ.
Uładzimier Tarasaŭ ličyć, što devalvacyja biełaruskaha rubla małajmaviernaja. Rasieja prapanuje nie takija žachlivyja varyjanty, jakimi niadaŭna nas strašyła. Istotny minus – daviadziecca sastupić 50% akcyjaŭ «Biełtranshazu». Kali biełaruskaje kiraŭnictva na heta pahodzicca, to biełaruski rubiel paźbiehnie devalvacyi. Jana adbudziecca, kali košt hazu pieravysić 150‑200 dalaraŭ ZŠA za kubametar paliva. Pakul ža Rasieja prapanuje haz pa 80 dalaraŭ za kubametar i reštu za košt pałovy akcyjaŭ «Biełtranshazu».
Kali ž baki nie parazumiejucca, a tut, na dumku sp. Tarasava, usio zaležyć ad biełaruskaha boku, ułaśnikam bankaŭskich ŭkładaŭ ŭ biełaruskich rubloch, varta zadumacca. Najbolš perspektyŭnaja valuta ŭ nastupnym hodzie – eŭra, miarkuje ekanamičny ahladalnik. U vypadku najhoršaha scenaru mohuć vyjhrać tyja, chto atrymaŭ kredyt u nacyjanalnaj valucie, bo rost inflacyi naŭprost zaležyć ad sytuacyi z koštami na enerhanośbity. Ale Ŭ.Tarasaŭ raić nie śpiašacca z vysnovami, pakul nia skončycca pieramoŭny praces.
Fota z sajtu soyuz.by
