Uładzimier Zamiatalin pryznačany hieneralnym dyrektaram Respublikanskaha unitarnaha pradpryjemstva «Biełaruśfilm».
Čutki pra heta chadzili daŭno, ale tolki ŭčora, 26 śniežnia, padčas razhladu kadravych pytańniaŭ, A. Łukašenka daŭ zhodu na pryznačeńnie Zamiatalina na pasadu kiraŭnika biełaruskim kino.
❏
Uładzimier Zamiatalin naradziŭsia 14 traŭnia 1948 h. u Tule (Rasieja). Skončyŭ Danieckaje vyšejšaje vajenna‑palityčnaje vučylišča (1973) i Vajenna‑palityčnuju akademiju (1983), pa specyjalnaści vykładčyk historyi i hramadaznaŭstva. Słužyŭ aficeram u Čyrvanaściažnaj Biełaruskaj vajennaj akruzie na pasadach namieśnika načalnika palitadździełu tankavaj dyvizijaj, inspektara palitupraŭleńnia, načalnika vajenna‑palityčnaha adździełu akruhi, namieśnika načalnika ŭpraŭleńnia infarmacyi Minabarony.
U 1994 h. – pres‑sakratar premjer‑ministra Viačasłava Kiebiča, uvachodziŭ u jahony pieradvybarčy štab.
Z 1995 h. — na pasadzie načalnika ŭpraŭleńnia hramadzka‑palityčnaj infarmacyi ŭ Administracyi prezydenta, z 15 lipienia 1995 h. – namieśnik kiraŭnika Administracyi — načalnik hałoŭnaha ŭpraŭleńnia hramadzka‑palityčnaj infarmacyi. Z 23 studzienia 1997 h. — staršynia Dziaržakamitetu pa druku.
U 2000‑2001 h. - znoŭ pieršy namieśnik kiraŭnika Administracyi prezydenta.
Viarnuŭsia praź piać hadoŭ palityčnaha zabyćcia.
Fota photo.bymedia.net
