Hazeta pieražyvaje vialikija finansavyja ciažkaści, ale ŭ luby sposab imkniecca zachavać biełaruskija kryžyvanki. Navat achviarujučy rasiejskimi.
Hod tamu vydaviectva «Mahazin krossvordov» navažyłasia na toje, što nichto dahetul nie rabiŭ – na vypusk całkam biełaruskamoŭnaj hazety kryžavanak. Hazeta zajmieła adpaviednuju nazvu – «Krama kryžavanak».
Hałoŭnaja admietnaść hazety, akramia biełaruskaj movy, aryjentavanaść u pieršuju čarhu na biełaruskija kaštoŭnaści. Staronki «Kramy kryžavanak» strakaciać biełaruskimi prymaŭkami, vysłoŭjami, partretami cudoŭnych biełaruskich litarataraŭ, zdymkami sučasnych śpievakoŭ i aktoraŭ. Hazeta źmiaščaje papularnyja siarod abyvatalaŭ kryžavanki, skanvordy i japonskija sudoku. Dla školnikaŭ buduć cikavyja i karysnyja viktaryny, šaranty, razhadki jakich vymahajuć viedańnia hieahrafii, historyi i litaratury, pry čym na tolki biełaruskich, ale j suśvietnych. Hałoŭny redaktar hazety Andrej Vajušyn kaža, što znajomyja nastaŭniki prapanujuć svaim vučniam hazetu dla vykanańnia školnych zadańniaŭ. Hazeta pa‑raniejšamu zaprašaje čytačoŭ dasyłać svaje prapanovy i zaŭvahi, a taksama kryžavanki i moŭnyja hulni. Pisać treba pa adrasie: 220002, Miensk, a/s 46, krama
Padvodziačy vyniki hodu, redaktar «Kramy kryžavanak» adznačyŭ, što hazeta zajmieła nievialikaje, ale svajo koła padpisčykaŭ: ad pačatku hodu ich kolkaść składaje da tysiačy čałaviek. Vydańnie najbolš paśpiachova realizujecca ŭ Miensku i na Viciebščynie. Na žal, nakład hazety istotna skaraciŭsia, isnuje prablema vialikaha viartańnia z punktaŭ prodažu, a z nastupnaha hodu «KK» źmianiaje peryjadyčnaść vychadu – raz na try miesiacy zamiž štomiesiačnaha vychadu. Tym nie mienš, kaža sp. Vajušyn, redakcyja vyrašyła praciahvać hety vidavočna niekamercyjny prajekt.
Padpisacca na hazetu biełaruskamoŭnych kryžavanak možna ź luboha miesiaca i na roznyja terminy va ŭsich adździaleńniach paštovaj śviazi. Padpisny indeks – 63313 u katałozie «Biełpošty». «Krama kryžavanak» budzie biezumoŭna karysnaj biełarusim nastaŭnikam i školnikam, a taksama amataram pałamać hałavu nad sudoku, kryžavankami i skanvordami.
