Zychod hodu – piśmieńniki zdali Dom litaratara biaz boju na karyść Kiraŭnictva spraŭ prezydenta
Hość hoda – Uha Čaves. Prezydent inšaj krainy – redki hość u Biełarusi
Enerdžajzier hoda – Alaksandar Milinkievič. Adziny z apazycyjnych palitykaŭ, jaki značnuju častku 2006 hodu pravioŭ u rehijonach ‑ 2 454 hadziny ci amal 3,5 miesiacy. Bolš za 120 tys kilametraŭ pa biełaruskich haradach, miastečkach i vioskach, sustrakajučysia z vybarcami ŭ kvaterach, prachadnych zavodaŭ, la ŭnivieraŭ, rynkaŭ i prosta na vulicy
Tupik hoda – ŭstalavańnie pomnika Fieliksu Dziaržynskamu ŭ Miensku. U toj čas, kali pa ŭsim śviecie znosiać savieckija pomniki, a kamunistyčnyja režymy pryznajuć złačynnymi, u Biełarusi ŭstaloŭvajuć pomnik zasnavalniku čyrvonaha terora
Salidarnaść hoda – chto śviečkaj, a chto pikietam, apazycyja štomiesiac 16‑ha pravodzić akcyi salidarnaści z palitźniavolenymi i ich siemjami. Data stała narodnaj ‑ prydumanaja «chartyjcami», jana adznačajecca samymi roznymi apazycyjnymi siłami. Samaj hučnaj akcyjej salidarnaści staŭ Džynsavy Fest, kali pasiarod kancertu było vyrublenaje śviatło
Budoŭla hoda – Nacyjanalnaja biblijateka. No comments
Sustreča z vybarščykami hodu – kab pieraškodzić Milinkieviču pravieści sustreču ź mienčukami, płošča Svabody była abniesienaja žaleznaj aharodžaj, a samoha kandydata ŭ prezydenty sustrakaŭ specnaz na čale z hałoŭnym krapavym biaretam – pałkoŭnikam Paŭličenkam.
Pieśni hodu – «Pieśni svabody», samy masavy kancert zabaronienych rok‑hurtoŭ
Nastaŭnik hodu – Aleś Čyhir, baćka traich dziaciej, deputat babrujskaha harsavietu. Byŭ zvolnieny sa škoły, dzie pracavaŭ nastaŭnikam historyi, za ŭdzieł u prezydenckaj kampanii. Na znak pratestu suprać zvalnieńnia prykavaŭ siabie łancuhami da słupa la harvykankama
Amnezija hodu – Mikałaj Aŭtuchovič, palitviazień, na jakoha ŭsie zabylisia. Pradprymalnik, zmahaŭsia ź dziaržavaj za prava vieści svoj biznes, haładaŭ rekordnuju kolkaść dzion, u krasaviku byŭ asudžany za finansavyja machinacyi
Restaratar hoda – Maksim Mirny, najlepšy biełaruski tenisist, ajčynny (lehalny!) miljaner, zaniaŭsia restarannym biznesam. I nia dzie‑niebudź, a ŭ Miensku
