Ministerstva ekanomiki Polščy zajaviła, što spynieńnie pastavak źviazanaje z rasiejska‑biełaruskim kanfliktam u spravie cenaŭ nafty. Pradstaŭnik pradpryjemstva, jakoje absłuhoŭvaje naftapravod, zajaviŭ, što nia viedaje, čamu i na jakoj padstavie spynienyja pastaŭki nafty. «My jašče nočču nakiravali biełaruskamu boku list u hetaj spravie, ale adkazu dahetul niama», — zajaviŭ jon.
«Pastaŭki nafty pa naftapravodu «Družba» ŭ Polšču i Niamieččynu byli spynienyja nočču. My nakiravali list ŭ Biełaruś z prośbaj pra tłumačeńni. Na dadzieny momant my nia viedajem, čamu byli spynienyja rastaŭki», —paviedamiŭ ahienctvu Reuters presavy sakratar polskaha aperataru trubapravodaŭ PERN Tamaš Zakržeŭski.
«Nakolki nam viadoma, heta źviazana sa sprečkaj pamiž Rasiejaj i Biełaruśsiu u spravie ekspartnaj myty» — skazaŭ namieśnik ministra ekanomiki Polščy Piotar Naimski telekanału TVN24.
Pavodle Piatra Naimskaha, pieraboi pačalisia kala 22 hadziny ŭ niadzielu, potym nafta niekalki hadzinaŭ pastupała iznoŭ a nočču pastaŭki byli całkam spynienyja. Piotar Naimski zajaviŭ, što «my majem dačynieńnie parktyčna z zakryćciom kranu». Ale, pavodle jahonych słovaŭ, padstavaŭ dla paniki niama – akramia ŭłasnych zapasaŭ kraina maje taksama stratehičny zapas nafty, jakoha chopić na 80 dzion.
Aficyjny Miensk admaŭlajecca kamentavać spynieńnie pastavak, paviedamlaje AFN.
«Napaŭnialnaść trubapravodaŭ – heta kanfedencyjnaja infarmacyja», — skazaŭ Reuters pradstaŭnik kancernu Biełnaftachim Viktar Azaraŭ.
Ad 1 studzienia Biełaruś uviała mytu na tranzyt rasiejskaj nafty ŭ Zachodniuju Eŭropu. Myta składaje $45 za tonu.
Za 2005 hod abjem tranzytu nafty praź Biełaruś skłaŭ bolej za 90 miljonaŭ tonaŭ.
