Palityčnaja rada Abjadnanych demakratyčnych siłaŭ vystupiła z zajavaj u abaronu aryštavanaha Kastusia Łukašova.
Pavodle pres-słužby Partyi BNF ŭ zajavie havorycca: "Ułady praciahvajuć pieraśled aktyvistaŭ Mienskaj viasny – 2006. Hetym jany demanstrujuć nia tolki svaju słabaść, ale j niežadańnie ličycca z salidarnym mierkavańniem mižnarodnaj supolnaści pra nieabchodnaść demakratyčnych źmienaŭ u Biełarusi. Źniavoleńnie K. Łukašova – heta demanstracyja niepavahi da prapanovaŭ Eŭraźviazu dapamahčy Biełarusi pry ŭmovie vyzvaleńnia palityčnych viaźniaŭ. Abjadnanyja demakratyčnyja siły Biełarusi patrabujuć terminovaha j nieadkładnaha vyzvaleńnia palityčnaha viaźnia Kastusia Łukašova".
Z analahičnaj zajavaj vystupiŭ i lider demakratyčnych siłaŭ Alaksandar Milinkievič. Jon padkreśliŭ, što "Kanstancin Łukašoŭ staŭ pieršym palityčnym źniavolenym u Biełarusi paśla taho, jak u listapadzie 2006 h. Eŭraźviaz prapanavaŭ Biełarusi novuju stratehiju supracoŭnictva".