Pieršy raz apoŭdni. Palityk pravioŭ dźvie hadziny ŭ RUUS Savieckaha rajonu Mienska - jaho zatrymali ŭ rajonie Kamaroŭskaha rynku, kali jon razdavaŭ svaje ahitacyjnyja ŭlotki.
Druhi raz zatrymali razam z davieranaj asobaj Antaninaj Kavalovaj u internacie tralejbusnaha parku №5. Labiedźka i Kavalova pryjšli ŭ internat (vulica Kulman, 35), kab razdać ahitacyjnyja ŭlotki sp. Labiedźki dy sustrecca z vybarcami. Adnak namieśnik dyrektara tralejbusnaha parku Vasil Šrubok pačaŭ kryčać, što ŭ internacie kandydat nia moža razdavać ahitacyjnuju pradukcyju i pahražaŭ nacisnuć čyrvonuju knopku.
Padčas telefanańnia ŭ vybarčuju kamisiju Savieckaha rajonu paćvierdzili, što da 13 studzienia kandydaty ŭ deputaty majuć prava pravodzić ahitacyju. Adnak Vasil Šrubok viery nia daŭ i vyklikaŭ śmilicyju. A. Labiedźku i A. Kavalovu advieźli ŭ adździeł departamenta achovy MUS.