Rasiejska‑biełaruskaja miaža moža być vykarystanaja terarystami dla praniknieńnia ŭ RF. ličyć dyrektar pamiežnaj słužby FSB RF Uładzimier Proničaŭ (na fota).
«Va ŭmovach prazrystaści rasiejska‑biełaruskaha ŭčastku miažy, jaki praktyčna nie achoŭvajecca, źjaviłasia «dzirka», praź jakuju hramadzianie trecich krainaŭ mohuć niezakonna ŭjaždžać na terytoryju Rasiei ź Biełarusi», — skazaŭ Proničaŭ u sieradu padčas «uradavaj hadziny» ŭ Saviecie Federacyi Rasiei.
«Nia vyklučana, što hety kanał ujezdu moža być vykarystany členami terarystyčnych arhanizacyj, a taksama ŭ metach supraćpraŭnaj dziejnaści», — skazaŭ jon.
Proničaŭ patłumačyŭ, što takaja sytuacyja stałasia mahčymaja ŭ suviazi z tym, što Biełaruś padtrymlivaje biaźvizavy režym ź dziaržavami, ź jakimi ŭ Rasiei ŭstalavany vizavy režym, u pryvatnaści heta tyčycca Hruzii.
Jaje paviedamiŭ kiraŭnik rasiejskaj Pahransłužby, letaś byli praduchilenyja «dziasiatki sprobaŭ» hramadzianaŭ Hruzii niezakonna praniknuć u Rasieju takim sposabam.
Ilustracyja z knihi «Patenty Pijanerynhu» (Pioneering Projects), scoutmaster.ru
Fota FPS.ru
