Nacisk na Biełaruś ažyćciaŭlajecca pa ŭkazańni Kramla, zajaviŭ siońnia kiraŭnik dziaržavy Alaksandar Łukašenka padčas sustrečy ŭ Miensku ź lideram Kamunistyčnaj partyi Rasiei Hienadziem Ziuhanavym. «Biełaruś pačynajuć dušyć, travić, z nas prosta ździekujucca — vy bačycie, što siońnia adbyvajecca ŭ ŚMI. Ale jany heta robiać pa ŭkazcy z Kramla, heta ja dakładna viedaju», - padkreśliŭ prezydent. «Voś rasiejskaja demakratyja, i voś pavodziny rasiejskaha kiraŭnictva».
Pavodle kiraŭnika dziaržavy, na Biełaruś užo nia pieršy hod z boku Rasiei idzie masiravanaja ataka. «Jakaja kraina ekanamična moža vytrymać za dva hady dvajnoje pavieličeńnie cenaŭ na haz?», — zajaviŭ Łukašenka.
Prezydent taksama dadaŭ, što z uvahi na apošnija ceny na rasiejskuju naftu, Biełaruś pry pierapracoŭcy budzie nieści straty da 90 dalaraŭ za tonu. Tym nia mienš Łukašenka padkreśliŭ, što ŭsio heta nia maje nijakich adnosinaŭ da rasiejskaha narodu: «Tut adychodu ad viekavoha histaryčnaha kursu ŭ Biełarusi nia budzie, asabliva pry mnie. My zaŭsiody byli i budziem z rasiejskim narodam. Vy chočacie nas nazyvać farpostam Rasii na zachadzie - nazyvajcie, my ad hetaha nikoli nie admaŭlalisia. Ale heta taksama kaštuje niečaha».
I nazvaŭ pustymi «razmovy ab tym, što Łukašenka flirtuje z Zachadam». «Ja ni z kim nie flirtuju. Ja prosta prapanuju: davajcie vy hety kamienny mur razburajcie, za što vy zaŭsiody paprakali Saviecki Sajuz, - i budziem razmaŭlać»
«My pryznajom, što ŭ nas deklaravanaja šmatvektarnaja palityka faktyčna adbyłasia jak adnavektarnaja. Nam vielmi važna naładžvać adnosiny z Zachadam».
