Siońnia na čempijanacie śvietu pa bijatlonie, što prachodzić u italjanskim Antcholcy‑Anterselvie, prajšła mužčynskaja indyvidualnaja honka na 20 km.
Załaty medal zavajavaŭ francuz Rafael Puare, jaki prajšoŭ trasu z vynikam 56 chvilin 14,6 sekundy. Puare adstralaŭsia čysta na ŭsich ahniavych rubiažach.
Druhoje miesca ŭ niemca Michaela Hrajsa, jaki adstaŭ ad Puare na 26,8 sekundy. «Bronzu» dastaŭ čech — Michał Lezinhr (+37,4). I Hrajs, i Lezinhr pa dva razy spudłavali na ahniavych rubiažach.
Biełarusy raźmiaścilisia pa‑za dvaccatkaj najmacniejšych. Najlepšy vynik pakazaŭ Alaksandar Syman, jon zaniaŭ 25‑ie miesca, adstaŭšy ad Puare na 4 chviliny 14,7 sekundy (try promachi). Siarhiej Novikaŭ — 34‑ty (+5:39,4, piać promachaŭ), Rustam Valiulin — 48‑ty (+6:38,8, šeść promachaŭ), Siarhiej Daškievič — 55‑ty (+7:25,7, dva promachi).
U sieradu projdzie indyvidualnaja honka na 15 km u žančyn.
Pakul biełarusy na čempijanacie śvietu medaloŭ nia majuć.
Zdymak Rafaela Puare z sajtu Suśvietny bijatlon
