Pastanovaj uradu ŭvodzicca hraničny indeks źmianieńnia adpusknych cenaŭ na tavary (pracy j pasłuhi) u 2007 hodzie. Jon składaje 0,5% za miesiac.
Jon nie raspaŭsiudžvajecca tolki na tavary, vyrablenyja pradpryjemstvami z zamiežnymi investycyjami, na juvelirnyja vyraby, na reklamnyja rascenki radyjo i telebačańnia i tavary, što pradajucca na biržy.
U vypadku, kali zachavańnie normy pryviadzie da stratnaści pradpryjemstva, novuju canu pryjdziecca rehistravać u Minekanomiki ŭ adpaviednaści z pastanovaj 1999 hodu.
Praktyka abmiežavańnia cenaŭ isnavała ad 1990‑ch da 2004 hodu. U časy vysokaj inflacyi jana pryvodziła da deficytu pradukcyi, ceny na jakuju kantralavalisia, na pryłaŭkach. Akramia taho, heta vymušała vytvorcaŭ mianiać nazvy j marki tavaru. Naprykład, recept chleba «Naračanskaha» niaznačna mianiaŭsia, kab možna było pradavać jaho pa vyšejšaj canie pad inšym brendam. Inačaj prodaž jaho pa staroj canie vychodziŭ stratnym.
Śledam za pavyšeńniem staŭki refinansavańnia i źnižeńniem kursu rubla, heta čarhovy krok, jaki maje na mecie supraćdziejańnie inflacyjnamu cisku ŭ vyniku rostu cenaŭ na enerhanośbity.
