U Kobrynie (Bieraściejskaja vobłaść) zavieršyłasia zakładka fundamentu pad budaŭnictva pravasłaŭnaha Chrama-pomnika (ahulnaja płošča – 1 200 kvadratnych metraŭ) u honar rasiejskaha pałkavodca, hieneralisimusa Alaksandra Suvorava.
Inicyjatary akcyi pa ŭźviadzieńni chramu – miascovy śviatar Mikałaj Łukašyk i staršynia apiakunčaha savieta pa budaŭnictvie chrama Mikałaj Kožuch. Zbor hrošaj ažyćciaŭlajecca za košt jak biudžetnych, tak i "pazabiudžetnych srodkaŭ", a taksama achviaravańniaŭ ad pradprymalnikaŭ i nasielnictva, prybytku ad latarei "Pabudujem naš chram razam". Za košt hetych adličeńniaŭ udałosia nia tolki zakłaści fundament, ale i pabudavać častku ścienaŭ.
U interviju hazecie "Sojuz" Mikałaj Łukašyk padkreśliŭ: "Paśla uvodu ŭ ekspłuatacyju chrama-pomnika aŭtamatyčna adčyniajecca mahčymaść stvareńnia Suvoraŭskaha vajenna-histaryčnaha kompleksu, analahaŭ jakomu niama navat u Rasiei".
Zaznačajecca, što na ŭnutranych ścienach chrama-pomnika abaviazkova buduć vysiečanyja imiony žycharoŭ Kobryna, jakija "zahinuli pad čas abarony Ajčyny za try apošnija stahodździ, a taksama ŭšanavanyja imiony dobraachvotnych achviaradaŭcaŭ, što akazali dapamohu pry budaŭnictvie chramu".
Patryjach Maskoŭski i ŭsioj Rasiei Alaksiej II užo daŭ błasłavieńnie fondu "Za sochranienije duchovnoho naśledija" na akazańnie materyjalnaj dapamohi ŭ budaŭnictvie Suvoraŭskaha chrama-pomnika.
Padrabiaźniej čytajcie pa hetaj spasyłcy.
Fotazdymak pomnika A. Suvoravu ŭ Kobrynie z sajtu globus.tut.by