Dziaržaŭnyja orhany mohuć padavać u sud na «prafiesijnych skaržnikaŭ», kab spahnać ź ich raschody na razhlad ich zvarotaŭ. Pra heta paviedamiła namieśnik ministra justycyi Ała Bodak 1 lutaha na
Adpaviednaja norma praduhledžana zakonam «Ab zvarotach hramadzian i jurydyčnych asob», jaki nabyŭ moc 22 studzienia.
«Jość hetak zvanyja prafiesijnyja skaržniki, jakija źviartajucca pa adnym i tym ža pytańni.
Kali dziaržaŭny orhan adkazaŭ na skarhu, ale jamu znoŭ pastupajuć zvaroty, na ich razhlady nieabhruntavana raschodujucca resursy, to jon moža źviarnucca ŭ sud ab spahnańni sa skaržnika raschodaŭ», — skazała Bodak.
Pavodle jaje słoŭ, da «prafiesijnych skaržnikaŭ» adnosiacca ludzi, jakija «sprabujuć svaimi listami i zvarotami akazać peŭny nacisk na vyrašeńnie svajho pytańnia».
U pryvatnaści, paviedamiła namieśnik ministra, časta takija skaržniki vykazvajuć niazhodu ź niejkim sudovym rašeńniem. «Skaržniku adkazali, što heta nie adnosicca da śfiery kampietencyi dziaržaŭnaha orhana. Tym nie mienš hramadzianin nie zhodny z našym adkazam, źviartajecca ŭ vyšejšuju arhanizacyju, ličyć, što jaho zvarot nie byŭ razhledžany naležnym čynam i jamu nie byli dadzieny adkazy na pastaŭlenyja pytańni. Ale heta nie kampietencyja dziaržorhana, hetym pavinien zajmacca sud. Pa takich pytańniach skarhi mohuć pastupać i hod, i dva», — adznačyła jana.
Bodak paviedamiła, što rejestr «prafiesijnych skaržnikaŭ» vieścisia nie budzie. «U dziaržorhanach takich skaržnikaŭ viedajuć u tvar. Heta ludzi, jakija mocna kryčać, jany nie saromiejucca svaich pavodzin. Tak što proźviščy ich na słychu», — skazała jana.
