Arabskaja kampanija «SB‑Telekam» hatova invieściravać u cemientnuju pramysłovaść i budaŭnictva haścinicy ŭ Biełarusi. Ab hetym zajaviŭ staršynia praŭleńnia kampanii Id Samavi siońnia na sustrečy z prezidentam Biełarusi Alaksandram Łukašenkam.
Pavodle słoŭ hościa, baki padpisali ŭžo adpaviedny pratakoł ab supracoŭnictvie i dahavor z tryma cemientnymi zavodami Biełarusi. Jak adznačyŭ Id Samavi, kampanija maje namier pravieści ŭ ministerstvach i viedamstvach našaj krainy šerah sustreč dla taho, kab «atrymać acenku hetych prajektaŭ i pačać ich realizacyju». Jon dadaŭ, što ŭładalnik «SB‑Telekam» hatovy ŭ luby čas prybyć u Minsk dla praviadzieńnia pierahavoraŭ.
Id Samavi zajaviŭ taksama, što kampanija hatova ŭdzielničać u budaŭnictvie vysakakłasnaj haścinicy ŭ biełaruskaj stalicy. Pavodle jaho słoŭ, kiravać haścinicaj budzie sietka atelaŭ «Kiempinski», a jaje ŭźviadzieńniem zojmiecca adna z bujniejšych suśvietnych kampanij, jakaja pabudavała, u pryvatnaści, atel «Emirates Pałas» u AAE.
Jak padkreśliŭ staršynia praŭleńnia «SB‑Telekam», jon hanarycca tym, što vystupaje ŭ jakaści adnaho ź inviestaraŭ u Biełarusi.‑
