Zajmacca prodažam prahramnaha praduktu buduć inšyja kampanii, jakich vyznačyć Elco. Vidavočna, što košt takoha praduktu budzie suśvietnym, to bok u dziesiać razoŭ vyšejšy, čym siońniašni, i naŭrad ci pryvatnyja karystalniki zdolnyja nabyć taki pradukt. Tamu staŭku kampanija miarkuje rabić na dziaržaŭnyja arhanizacyi j pradpryjemstvy, što buduć płacić za pradukt aficyjna. Adnak niadaŭna ŭ Biełarusi było deklaravana stvareńnie ŭ Par-ku vysokich technalohij (PVT) ajčynnaha analahu Windows, rynkam zbytu jakoha buduć dziaržaŭnyja pradpryjemstvy.
Dyrektar karparacyi Microsoft-Ukraina Valer Łanavienka (na fota), što aficyjna adkryvaŭ pradstaŭnictva Microsoft u Biełarusi, zaznačyŭ, što adkryćcio ŭ Miensku aficyjnaha dystrybutara kampanii źviazana z rostam ekanomiki krainy. «Na ekranach radaraŭ Microsoft Biełaruś jašče nie źjaŭlałasia. Naša zadača — aznačyć jaje na stratehičnaj mapie». Karparacyja, pavodle Łanavienki, zacikaŭlenaja va ŭdziele ŭ prajekcie pa stvareńni «elektronnaha ŭradu» ŭ Biełarusi, to bok sučasnych systemaŭ padatkovaha, mytnaha ŭliku j paspartna-vizavaj słužby. Microsoft taksama vykazaŭ namier adkryć u Miensku svoj adukacyjny prajekt — Akademiju vysokich technalohij na bazie PVT.
Nia vyklučana, što nieŭzabavie budzie pryniataje rašeńnie pra stvareńnie biełaruskamoŭnaj versii Windows ci Microsoft Office. «BDH» źviarnuła ŭvahu na toje, što babula siońniašniaha hieneralnaha dyrektara Microsoft Styva Bałmera pachodzić ź Pinsku.
Planujecca, što ŭ najbližejšyja hady kolkaść aficyjnych partneraŭ Microsoft u Biełarusi budzie pavialičvacca. Praŭda, Sp. Łanavienka ŭdakładniŭ, što Microsoft zhornie ŭsie svaje prahramy, kali ŭrad ZŠA nakładzie veta na ekanamičnyja dačynieńni ź Biełaruśsiu.
