«Raskład siłaŭ na kanhresie zusim nie adpaviadaje tamu, što my majem u Biełarusi. Toj skład kanhresu, jaki jość siońnia, chutčej za ŭsio prymie rašeńnie pra pieraaryjentacyju biełaruskich demakratyčnych siłaŭ na ŭschod. Kali praličyć, jakija buduć tam pryniatyja rašeńni, — jany buduć nie praeŭrapiejskija, jany mohuć być nie praniezaležnickija. Tamu ja za pierahlad taho, chto maje prava pajechać na kanhres».
Były kandydat u prezydenty vystupiŭ pierad hramadzkimi i partyjnymi aktyvistami Mahilova. Milinkievič čarhovy raz paŭtaryŭ svaju pazycyju adnosna Kanhresu demakratyčnych siłaŭ i liderstva ŭ demakratyčnaj kaalicyi.
Alaksandar Milinkievič zaznačyŭ, što nia suprać praviadzieńnia Kanhresu demakratyčnych siłaŭ i hatovy ŭdzielničać u im — ale pry ŭmovie prazrystaści pracedury vyłučeńnia delehataŭ.
Na dumku Milinkieviča, skład udzielnikaŭ kanhresu nie adpaviadaje čakańniam balšyni pradstaŭnikoŭ demakratyčnaha ruchu:
«Raskład siłaŭ na kanhresie zusim nie adpaviadaje tamu, što my majem u Biełarusi. Toj skład kanhresu, jaki jość siońnia, chutčej za ŭsio prymie rašeńnie pra pieraaryjentacyju biełaruskich demakratyčnych siłaŭ na ŭschod. Kali praličyć, jakija buduć tam pryniatyja rašeńni, — jany buduć nie praeŭrapiejskija, jany mohuć być nie praniezaležnickija. Tamu ja za pierahlad taho, chto maje prava pajechać na kanhres».
A.Milinkievič: «Toj skład kanhresu, jaki jość siońnia, chutčej za ŭsio prymie rašeńnie pra pieraaryjentacyju biełaruskich demakratyčnych siłaŭ na ŭschod».
Što da liderstva, dyk Alaksandar Milinkievič zaznačyŭ, što biaź lidera demakratyčnyja siły prajhrajuć:
«Ja hatovy iści na kanhres, dzie budzie abiracca adziny lider. Kim by jon ni byŭ, ja budu na jaho pracavać. Daju vam słova ŭ hetym».
