U Viciebsku 1 sakavika ŭračysta adkryli miemaryjalnuju došku ŭ honar viadomaha mastaka Judela Pena. Jana była ŭstalavana jašče da Novaha hoda na «sinim domie». Tut raniej znachodziŭsia dom, dzie mastak žyŭ z 1897 pa 1937 hady.
Na bareljefie Pen trymaje ŭ rukach palitru, a nad podpisam na došcy abdymajucca dva hałubki. Heta simvał siamji, jakoj u mastaka nikoli nie było. Pad słovami na došcy staić podpis: «Ahikbieł 2006». Heta aznačaje skaročanyja imiony aŭtaraŭ - skulptaraŭ Alaksandr Hvoździkaŭ, Ivan Kazak, Alaksandr Białoŭ. Kampazicyja vykanana ŭ novym dla manumientalnaj skulptury materyjale - licijevym kamiani (palimierbieton ci štučny kamień).
Mierapryjemstva prymierkavana da 70‑hodździa z dnia trahičnaj śmierci mastaka. Jon byŭ zabity ŭ noč z 28 lutaha na 1 sakavika 1937 hoda. Abstaviny zabojstva pa siońniašni dzień zastalisia zahadkavymi. Pa viersii tahačasnaha rasśledvańnia, pryčynaj zabojstva byŭ napad z metaj rabunku.
1 sakavika da mahiły Judela Pena na Starasiamionaŭskich mohiłkach byli ŭskładzieny kvietki. U Viciebskim abłasnym krajaznaŭčym muziei adkryłasia vystava tvoraŭ mastaka i byŭ prezientavany katałah jahonych prac.
