Stenahrama onłajn-kanferencyi Źmitra Vajciuškieviča 4

***

Vielmi chaču zajhrać u Biarozaŭcy, z załaj, dumaju, prablem nia budzie. I daść Boh zrobim u hetym hodzie.

***

Dziakuj za dobryja słovy. Adnosiny ź Internetam spakojnyja. Rehularna čytaju naviny, u tym liku na NN, rehularna zachodžu na forumy, udzielničać -- nie udzielničaju. Prahladaju dva-try razy na dzień poštu, ale błohu nia maju. Da narodu ja i tak vielmi blizka. Ježdžu ŭ tramvai, metro i vielmi časta daju kancerty, až bajusia nadakučyć. U lubym vypadku niekali źjavicca svoj asabisty błoh.

***

Ja pracavaŭ najpierš ź ludźmi, bo, akramia taho, što tam jość vydatnyja vieršy, hetyja suaŭtary - vydatnyja ludzi. Lublu adnolkava ŭsich, i nia maju prava lubić kahości bolš ci mienš. Taksama i z albomami. Vielmi ciažka vyznačyć najlepšy.

***

Prakofjeŭ, polski Prejšner, Šapen, Betchoven.

***

Pazytyŭna, u dziacinstvie słuchaŭ vielmi šmat, zaraz słuchaju mieniej.

***

Vielmi chaču być u Mahilovie, i liču, što kancerty ŭ Miensku Vajciuškieviču treba zakančvać, a pieranosić u Lidu, Mahiloŭ, Homiel, pa ŭsioj Biełarusi. Zadača biełaruskich muzykantaŭ -- vystupać pa-za Mienskam. Moj kantakt - [email protected]

***

Dosyć časta byvaju apošnim časam u Biarozaŭcy, bo maju chutar na Niomanie, 12 km ad Biarozaŭki. Naviesnu tam planujecca ramont, ničoha asablivaha, ale zachavajem u tym vyhladzie, jak maje być. Budzie vielmi pryhoža.

***

Park Janki Kupały, Dom Vańkoviča, asabliva z druhoha boku, u svoj čas my viesieła tam bavili čas ź siabrami-rokierami. Vielmi lublu chadzić pieššu. Vielmi lublu hulać pa vulicy Jakuba Kołasa, bo žyvu niedaloka.

Zaraz dapracoŭvajecca staronka todar.net i adtul možna budzie skačać kałychanki. U lubym vypadku, kali jość u kaho kopii, piraćcie, tyražujcie i darycie siabram ź dzietkami, ci ŭ kaho jość dzietki

***

Saču za polskaj, u mienšaj stupieni za ukrainskaj - ale lublu i toje. i toje. Z polskaj raju pasłuchać Jaceka Klejfa, hurt Ocean, Woowoo, z ukrainskimi hučyć trochi banalna. ale vielmi padabajucca Vopli Vidaplasava i Akijan Elzy.

***

Kancerty na bierazie Niomana užo prachodiać amal kožnyja vychodnyja, tolki treba viedać miescy. Moža być kancert u Kryvičach, moža być u Moryni, i, moža być, u Vasilevičach. My vielmi časta źmianiajem miesca dyślakacyi. Ale chto zachoča, toj znojdzie. Pryviet Biarozaŭcy!

***

Pieśniu "Daniła" mnie pieradaŭ Uładzimier Vasilevič -- viadomy biełaruski falkłaryst. Pieśnia była zapisanaja ŭ vioscy Nalibaki, naprykancy 1970-ch.

***

Ja z pavahaj staŭlusia da Depeš Mod. Ale jość ciapier francuskija pieśni, jakija buduć pierakładzienyja na biełaruskuju. I na kancercie 8 sakavika adna pieśnia prahučyć (u pierakładzie Alesia Kamockaha).

***

Niama : )))

***

Kvitki možna nabyć u teatralnych kasach, albo ŭ raspaŭsiudnikaŭ u metro. Albo zamaŭlajcie pa telefonie 645-17-22, 203-31-82.

***

Vielmi padabajecca Bielsk-Padlaski, asabista ŭ mianie šmat ź im źviazana. i doŭha nie zabudziecca. Vielmi lublu park u Bielsku, asabliva ŭ čas vosieni. U Polščy byŭ pazaŭčora, hrali kancert u zali imia Lutasłaŭskaha. 25 sakavika budu ŭ Varšavie, śpiavać z Kajaj "No women, no cry". Spadziajusia, budu na Bardaŭskaj vosieni. Usio zaležyć ad arhanizataraŭ Bardaŭskaj vosieni, kali jany nia buduć pracavać i nia buduć brać hrošy ad polskaha ministerstva, festyvala nia budzie. Treba być patryjotami biełaruskich spraŭ na Biełastoččynie.

***

Ja vielmi lublu Połacak, i źjaždžać nikudy nie źbirajusia. Ja śpiecyjalna kupiŭ dom na chutary, kab pamierci u Biełarusi, jak śpiavaŭ Kulinkovič - "Ja pamru tut".

Žonki niama : ))) Žadaju znajści harmoniju, zdaroŭja blizkim i sabie i Vam, darahija našaniŭcy.

Vielmi chaču, spadziajusia chopić žyćcia, kab zrabić što dla dziaciej.

***

U Misteryi huku, na Upravie.

***

Kałychanki niemahčyma nabyć. Ich možna skapijavać i padaryć siabru (znajomaj, synu, unuku).

***

Mnie vielmi padabajecca Anatol Sidarevič i zaŭsiody čytaju, što piša Hlobus.

***

Nioman, Vasilevičy, dom №43. Albo Kryvičy, albo Moryna. Albo prosta les.

Prajšło bolš troch hadoŭ z hetaha kancertu i hetych "śpisaŭ", i tyja, kamu niełažyła było prapaści, jany zastalisia i stali jašče macniejšymi, stali zaharatvanymi, satli Asobami. i ja nie škaduju.

Luboŭ daje viery i mocy. Nia viedaju, ci treba tłumačyć, što nia tolki da žančyny.

***

Dziakuj za krytyku, Alesia. "Prostyja słovy" -- nie maja pieśnia, jaje śpiavaje Volski. Nakont niepaśladoŭnaści -- vielmi lublu skrajnaści, vielmi. Dźvie skrajnaści, dźvie stychii, uschod i zachad. Majakoŭski pa-rasiejsku pryncypova. Vajačak - pa-polsku, pryncypova. Času na ŭniversytety ŭžo niama. Tak voś i vučusia. U nabližejšy hod čytać kazki nie źbirajusia. Ź dziećmi, jak sa słuchačami, u mianie vydatny kantakt, i kali taki prajekt budzie zrobleny, dumaju, dzieciam heta spadabajecca.

Nakont ""Cacačnaj kramy" krytyka prymajecca.

***

Adzin ja ŭ mamy. Mama pensijanerka, poŭžyćcia pracavała ŭ biełaruskim handli, a poŭžyćcia pracavała na škłozavodzie "Nioman". Baćka zahinuŭ u 1975 h. Maju syna.

***

U škole vučyŭsia niakiepska, dobra išła matematyka, a ź fiziykaj i chimijaj nie siabravaŭ.

Lublu sport. Asabliva lublu basejn i chadžu ŭžo druhi hod dva razy na tydzień. Fanacieć pa sportu nie fanacieju.

***

Zahanaŭ šmat, ale na moj pohlad hałoŭnaja - heta słabaja viera ŭ svaje siły, biezinicyjatyŭnaść. Biełarusu tvorčamu patrebna šyrynia myśleńnia, skrajnaści, pačućcio ehaizmu, ułasnaj vartaści. Karaciej, nia bojciesia!

***

Bona, U2, Robi Ŭiljamz, francuskaja Noir desire, Mejsi Hrej i Śvieta Suhaka.

Da farmatu 75% staŭlusia narmalna, ale nia chopić času adkazać na ŭsie detali.

***

Da Milinkieviča dobra staŭlusia. Chaciełasia b, kab u biełaruskim palityčnym asiarodździ panavała mudraść. Treba pierastać svarycca.

25 Sakavika budu na Płoščy, tolki ŭ Varšavie, na žal.

***

Spakojnyja adnosiny da minułaj rok-karanacyi. U svoj čas mnie šmat čaho davali, tamu kryŭdy na arhanizataraŭ i na akademikaŭ niama. I ja narmalna staŭlusia da taho, što maja muzyka moža nie ŭsim padabacca. U niejkim sensie ja svajoj aktyŭnaj muzyčnaj dziejnaściu, šmat kamu nie padabajusia, i nia jość amerykanskim dalaram, kab usim padabacca.

Samaje hałoŭnaje, što jość publika, jakaja rehularna chodzić na maje kancerty, i joj (publicy) vialiki dziakuj. A da karanacyi staŭlusia spakojna.

***

Časam łajusia. Pakolki dosyć časta byvaju ŭ Polščy, vykarystoŭvaju polskaje słova, kali mnie viesieła, i kali niečym zasmučany. Ale pavažaju ludziej, jakija nikoli nie vykarystoŭvajuć brydkich słovaŭ. Z druhoha boku, jak skazaŭ Ryhor Baradulin, u biełaruskaj movie brydkich słovaŭ niama.

***

Dobryja adnosiny i z Volskim, i z Kulinkovičam. Našy adnosiny mienš prafesijnyja i bolš siabroŭskija. Na ščaście, dzialić, jak biełaruskim palitykam, nam niama čaho. Liderstva Volskaha mianie nie razdražniaje, Kulinkoviča taksama.

***

Lidčyna -- vielmi pryhožaja, varta pryjechać i pahladzieć samastojna. Biarozaŭka - heta toje miesca, dzie ja naradziŭsia. Nie mahu skazać, što jana vielmi pryhožaja, ale rodnaja. Taksama varta zajechać i pahladzieć na ŭłasnyja vočy.

***

Vam taksama pryvitańnie i dziakuj

Havaru pa-biełarusku, rasiejsku, pa-polsku i pa-anhielsku (litł)

***

ueb-redaktar onłajn-kanferencyja zakančvajecca.

Źmicier Vajciuškievič. Dziakuj usim za pytańni. Čakaju ŭsich 8 sakavika na kancercie, što projdzie ŭ klubie imia Dziaržynskaha (Kamsamolskaja, 30). Pačatak a 19-j.

Kancert budzie pryśviečany Dniu žančyn, buduć viadomyja pieśni, redkija, a taksama niekalki novych piesień na vieršy Hienadzia Buraŭkina

?

Źmicier Vajciuškie?vič — biełaruski śpiavak i muzyka.

Naradziŭsia 20 lipienia 1971 h. u miastečku Biarozaŭka (Lidzki rajon, Haradzienskaja vobłaść). Skončyŭ muzyčnuju vučelniu ŭ Lidzie, Instytut kultury dy mienskuju vučelniu imia Hlinki.

Udzielničaŭ u hurtach «Pałac», «Kryvi». Zaraz vystupaje z hurtom «WZ?Orkiestra». Viadomy taksama pad sceničnym imiom Todar. Śpiavaje pieśni na słovy biełaruskich paetaŭ – Baradulina, Niaklajeva, Kamockaha. Adzin albom «WZ?Orkiestra» zapisany na słovy Ŭładzimiera Majakoŭskaha. Źmicier prymaŭ udzieł u supolnych muzyčnych prajektach, siarod jakich Narodny albom (1997), Śviaty viečar (2000), Ja naradziŭsia tut (2000) dy inš.

Ryhor Baradulin z pryjemnaściu ŭzhadvaje pracu z kampazytaram i śpievakom Źmitrom Vajciuškievičam, jakoha ličyć vyklučnaj źjavaj u historyi sučasnaj biełaruskaj muzyki.

«Jon nia lubić kročyć prataptanymi ściežkami, jon imkniecca ŭ kožnym vieršy namacać zakładzienuju ŭ im melodyku», – kaža pra śpievaka muzyčny krytyk Źmicier Padbiareski.

Pra siabie Źmicier kaža, što jon zvyčajny čałaviek, jaki vyras u maleniečkim miastečku, «jak usie dzieci, hulaŭsia z karbidam».

8 sakavika ŭ Klubie imia Dziaržynskaha adbudziecca jahony vialiki śviatočny kancert.