Dyplamaty šerahu eŭrapiejskich krainaŭ zajavili na sustrečy ź Milinkievičam 6 sakavika, što pa dziejańniach biełaruskich uładaŭ 25 Sakavika Eŭropa acenić zdolnaść Biełarusi da adkrytaha supracoŭnictva z Eŭraźviazam.
Zajava hetaja prahučała na sustrečy ambasadaraŭ z byłym kandydatam u prezydenty Biełarusi Alaksandram Milinkievičam, jakaja adbyłasia pa inicyjatyvie pasła Niamieččyny Marcina Chiekiera.
Pavodle pres‑sakratara Milinkieviča, Paŭła Mažejki, za padziejami 25 sakavika ŭ Biełarusi buduć sačyć eŭrapiejskaja hramadzkaść i srodki infarmacyi. Pasły zajavili, što jany asabista buduć nazirać za padziejami 25 Sakavika.
Pa słovach Mažejki, svoj pryjezd u Biełaruś 25 sakavika zajavili šerah eŭrapiejskich deputataŭ i palitykaŭ:
— Siarod ich vice‑prezydent Eŭraparlamentu Maryjo Maŭra, — udakładniŭ Mažejka, — hieneralny sakratar chryścijanska‑ demakratyčnaha sajuzu Niamieččyny Ronald Pofała, šerah deputataŭ z Polščy.
U čas sustrečy Milinkieviča z ambasadarami abmiarkoŭvałasia taksama pytańnie kanhresu demakratyčnych siłaŭ i sytuacyja ŭ biełaruskaj apazycyi.
