10 sakavika na Sojmie Partyi BNF była pryniataja stratehija dziejnaści Partyi BNF na 2007‑2008 hh. Stratehija zaraz jość partyjnym dakumentam i raźličanaja na dasiahnieńnie sytuacyi pieramovaŭ z uładami j svabodnych demakratyčnych vybaraŭ praź infarmavańnie j mabilizacyju hramadztva.
«Zychodzić pryniataja Sojmam stratehija, — kaža staršynia Partyi BNF Vincuk Viačorka, — z prahnozu, što, na žal, ekanamičny kryzis niepaźbiežny. Vinu za hety ekanamičny kryzis niasuć ciapierašnija ŭłady. My ŭśviedamlajem, što siłami tolki Partyi BNF dasiahnuć pažadanych vynikaŭ nierealna, tamu my budziem kaardynavać svaju dziejnaść u ramkach ADS i ŭsich, chto padzialaje z nami hetuju stratehiju. My zychodzim z taho, što nia tolki ludzi, jakija ŭžo siońnia prychilnyja da demakratyčnych źmienaŭ, jość našymi adrasatami, ale j ludzi, jakija myślać čysta ekanamična, ale jakija ŭschvalavanyja, ustryvožanyja ekanamičnym abvałam. Jany musiać pačuć ad nas praŭdu j infarmacyju pra toje, dzie vyjście. Takim čynam, my budziem mieć padtrymku balšyni našaha hramadztva».
Sojm abmierkavaŭ adnu ź pieršych akcyjaŭ, jakija źjaŭlajucca častkaj stratehii, — 25 sakavika. Zadača akcyi 25 sakavika – vyjavić mabilizacyjny patencyjał jak Partyi BNF, tak i astatnich ŭdzielnikaŭ i dać uładzie mahčymaść pakazać, što jana sapraŭdy imkniecca da vyratavańnia Biełarusi ad kryzisu praź jaje demakratyzacyju.
