U Hrodnie stvorany alternatyŭny prajekt aŭtadarožnych raźviazak staroj častki horadu. 12 sakavika ŭ administracyju prezydenta pradstaŭnikami hramadskaści Hrodna byŭ padadzieny alternatyŭny ad dziaržaŭnaha prajekt aŭtadarožnych raźviazak staroj častki Hrodna.
Pavodle prajekta, užo praz 5 hod «Staraja Harodnia» budzie całkam piešachodnaja. «Kali my daviedalisia, što hrodzienskija ŭłady chočuć prakłaści «abjazdnuju» darohu prosta praz Stary Zamak, nam ničoha nie zastavałsia jak pačać raspracoŭvać alternatyŭny prajekt», — kaža adzin ź jaho aŭtaraŭ, historyk i krajaznaviec Andrej Vaškievič.
Jak zaznačaje Vaškievič, miascovyja ŭłady zamiest taho, kab razhruzić ad mašyn unikalnuju dla Biełarusi «Staruju Harodniu», naadvarot, źbirajucca nakiravać asnoŭny aŭtapatok praz centr. Alternatyŭny ž prajekt źmiaščaje padrabiaznaje paetapnaje apisańnie poŭnaj razhruzki hrodzienskaj «staroŭki» ad aŭtatranspartu za nastupnyja 5‑6 hod.
Pry hetym aŭtaraźviazki adasobiać staruju častku Hrodna ad «spalnaj» i pramysłovaj, jak heta zroblena ŭ viadomych jeŭrapiejskich haradach Krakavie i Prazie.
Źmicier Ćvikievič, Jeŭraradyjo