"Prezydent adkinuŭ čutki pra svaju surjoznuju chvarobu". Mahčyma, u hetym zahałoŭku BIEŁTA adlustravana zvyšzadača siońniašniaj pajezdki aficyjnaha kiraŭnika pa staličnym rajonie.
Z kamentaru Alaksandra Łukašenki vynikaje: jon adsačyŭ reakcyju sieciva na svaju doŭhuju adsutnaść u televizijnych repartažach. I voś siońnia adkazaŭ u duchu viadomaha anekdotu: nie dačakajeciesia!
Jašče adzin blok zajavaŭ faktyčna jość adkazam na list Milinkieviča i zakliki demakratyčnaje hramadzkaści razam adśviatkavać Dzień Voli. Zajaŭlena, što kiraŭnik dziaržavy nie źbirajecca abaraniać svaje idei na płoščach. A za moładź, maŭlaŭ, treba zmahacca na vytvorčaści.
Uvohule ž apazycyja i Zachad atrymali davoli ekspresyŭny adkaz na svaje pasažy ab dyjalohu. "Krainu my im nie addamo", — cytuje "Interfaks". I kankretna: "...u pysu nadajem tamu, chto advažycca zharnuć toj praces, što idzie ŭ krainie". Plus paabiacana razabracca z pazycyjaj ambasadaraŭ, što nazirali 25 sakavika za manifestacyjaj.
Adnak adsutnaść na hety momant (daj boh i nadalej!) represijaŭ ŭ dačynieńni da arhanizataraŭ Dnia Voli dazvalaje zrabić dapuščeńnie, što ŭčyniać pakazalny razbor palotaŭ naviersie nia nadta nastrojenyja. Chutčej što siońniašniaja metalovaja rytoryka pracuje na padmacavańnie imidžu mocnaha lidera.
Łukašenka kaža, što nia bačyć patreby mianiać taktyku stasunkaŭ z apazycyjaj. Razam z tym, ź jahonych słoŭ vynikaje, što imprezy la biblijateki i ŭ aeraporcie 25 sakavika byli zamaskavanym žestam kansalidacyi: "Lepšyja placoŭki im addali" (!).
I jašče adzin farmalny alahizm. Kali aficyjna traktujecca, što 25-ha pad bieł-čyrvona-biełymi ściahami chadziła nikčemnaja kupka, to našto nadavać padziei stolki ŭvahi na ŭzroŭni pieršaj asoby dziaržavy?
Vyhladaje na toje, što nasamreč prablema dačynieńniaŭ z prademakratyčnaj častkaj hramadztva i Zachadam kłapocić aficyjnaha kiraŭnika dastatkova surjozna.
Zrešty, hetyja ŭražańni naviejanyja frahmentarnymi na ciapierašni momant medyjnymi paviedamleńniami pra naviedvańnie Mienskaha rajonu.
Pra akcenty, niuansy i kanteksty daviedajemsia z "Panaramy" :)
