Hałoŭnaj prablemaj Minska-Mahiloŭskaj archidyjacezii rymska?katalickaj carkvy źjaŭlajecca arhanizacyja miescaŭ kultu dla viernikaŭ.
Pra heta zajaviŭ apostalski administratar Minska-Mahiloŭskaj archidyjacezii, sakratar kanfierencyi katalickich biskupaŭ u Biełarusi, biskup Antonij Dziamjanka 3 krasavika na pieradvielikodnaj sustrečy z žurnalistami ŭ Minsku.
Pavodle jaho słoŭ, pytańnie niedachopu kaściołaŭ vostra staić u mnohich haradach krainy, u tym liku ŭ Minsku. «Vierniki damahajucca zaćviardžeńnia prajektaŭ zbudavańnia kaściołaŭ u staličnych mikrarajonach Łošyca, Kuncaŭščyna, Malinaŭka i Uručča. Akramia taho, abščyny zajmajucca hetaj prablemaj u Maładziečnie i Barysavie, Fanipali i Stoŭbcach», — skazaŭ biskup. U mnohich nasielenych punktach, dzie žyvuć katoliki, idzie rabota pa aficyjnaj rehistracyi rymska-katalickich abščyn, atrymańni ziamielnaha nadziełu i dazvołu na budaŭnictva śviatyni.
«Na terytoryi Minskaj i Mahiloŭskaj abłaściej archidyjacezija abjadnoŭvaje kala 100 abščyn. Dla paraŭnańnia: za hady savieckaj ułady kolkaść abščyn skaraciłasia z bolš čym 200 da 15, dzie viali słužbu ŭsiaho 9 śviataroŭ», — zaznačyŭ A.Dziamjanka. Pavodle jaho słoŭ, zaraz u archidyjacezii pracujuć 86 ksiandzoŭ, bolšaść jakich źjaŭlajucca hramadzianami Biełarusi. «Pakolki ŭ archidyjacezii ŭ paślavajennyja hady adsutničaje svaja sieminaryja, isnuje patreba ŭ zamiežnych śviatarach. Voś čamu ŭ našych prychodach słužać 35 hramadzian Hiermanii, Polščy i Ukrainy», — skazaŭ biskup. Niekatoryja abščyny dziesiacihodździami čakajuć śviataroŭ. «Tak, abščyny ŭ Horkach i Kryčavie na praciahu 70 apošnich hadoŭ nie mieli svajho kaścioła i ksiandza», — pryvioŭ prykład A.Dziamjanka.
Jon taksama paviedamiŭ, što 14-18 červienia ŭ Minsku projdzie sustreča hienieralnych sakrataroŭ katalickich jepiskapataŭ Jeŭropy. Na takich sustrečach razhladajucca najbolš aktualnyja prablemy dla katolikaŭ subkantynienta. «Zaraz udzielniki sustrečy abmiarkoŭvajuć paradak dnia sustrečy, jaki budzie viadomy prykładna ŭ pačatku maja», — skazaŭ biskup Antonij.
Fota z sajtu catholic.by
