Jak paviedamili karespandentu «Źviazdy» ŭ pres‑słužbie Ministerstva pa padatkach i zborach, pa stanu na pačatak krasavika ŭ padatkovyja orhany krainy było padadziena 276 450 padatkovych dekłaracyj ab sukupnym hadavym dachodzie za 2006 hod, u tym liku indyvidualnymi pradprymalnikami — 24 588 dekłaracyj, fizičnymi asobami — 251 862 razliki.
U paraŭnanni z minułym hodam sioleta kolkaść padadzienych dekłaracyj pavialičyłasia na 53 pracenty. Najbolšaja kolkaść dekłaracyj była pradastaŭlena ŭ stalicy i skłała amal 78 tysiač.
Razam z tym śpiecyjalisty pa padatkach i zborach nahadvajuć, što da 15 maja 2007 hoda fizičnyja asoby mohuć padać udakładnienuju dekłaracyju ab sukupnym hadavym dachodzie za 2006 hod i ŭniesci lubyja źmianienni ŭ raniej padadzienuju dekłaracyju bieź jakich‑niebudź sankcyj z boku padatkovych orhanaŭ pry ŭmovie, što ŭ vyznačany termin hramadzianami budzie apłačany padatak u poŭnym abjomie. Akramia hetaha, hramadzianie, jakija na praciahu hoda nie całkam skarystalisia lhotami na padatak abo pravam na vyklučeńnie raschodaŭ z dachodu, jaki abkładajecca, z metaj viartańnia zališnie ŭtrymanych sum padachodnaha padatku, mohuć padać dekłaracyju dla atrymańnia lhoty pa padatku na praciahu troch hadoŭ z času jaho apłaty.
