Biełaruski piśmieńnik, paet, pierakładčyk, publicyst, dziejač BNR Makar Kraŭcoŭ (Makar Kaścievič) naradziŭsia 18 žniŭnia 1891 h. ŭ vioscy Babroŭnia (Hrodzienski paviet).
Skončyŭšy ŭ Śvisłačy, na radzimie Kalinoŭskaha, nastaŭnickuju sieminaryju, pracavaŭ u škole. U časie pieršaj suśvietnaj, atrymaŭšy vajskovuju adukacyju, trapiŭ na
Byŭ delehatam I Usiebiełaruskaha kanhresu (śniežań 1917 hoda). Paśla nastaŭničaŭ u Minsku, vykładaŭ na kursach biełarusaznaŭstva pry Minskaj haradskoj dumie (1918), udzielničaŭ u pracy Rady BNR u Minsku i Hrodnie. Udzielničaŭ u Słuckim paŭstańni,zajmaŭsia spravami druku, byŭ zahadčykam paŭstanckaje drukarni ŭ Klecku.
Svoj «Vajacki marš» (tak ad pačatku nazyvałasia pieśnia «My vyjdziem ščylnymi radami») Kraŭcoŭ skłaŭ 30 kastryčnika 1919 h.
My vyjdziem ščylnymi radami
Na volny rodny svoj prastor.
Chaj vola viečna budzie z nami,
A hvałtu my damo adpor!
Niachaj žyvie mahutny, śmieły
Naš biełaruski volny duch.
Štandar naš
Pakryj saboj narodny ruch.
Na boj! Za ščaście i za volu
Narodu słaŭnaha svajho!
Braty, ciarpieli my davoli,
Na boj — usie da adnaho!
Imia i siłu biełarusa
Niachaj pačuje j ubačyć toj,
Chto śmieje nam niaści prymusy
I pieršy vykliča na boj.
Braty, da ščaścia my padchodzim:
Chaj hrom hrymić jašče macniej!
U kryvavych mukach my narodzim
Žyćcio Respubliki svajoj!
Muzyku da pieśni napisaŭ Uładzimir Teraŭski (hety kampazitar byŭ aŭtaram muzyki da jašče adnaho biełaruskaha himna — «Advieku my spali»).
«Vajacki marš» hučaŭ u časie Słuckaha zbrojnaha čynu.Z taho času jaho pačali nazyvać taksama «maršam Słuckaj bryhady».
Los aŭtaraŭ pieśni byŭ trahičnym. Teraŭski byŭ aryštavany i rasstralany ŭ 1938 h. u Minsku.
Makar Kraŭcoŭ byŭ zakatavany NKVD ŭ1939-m padčas dopytaŭ u biełastockaj turmie.
