VUP Biełarusi ŭ studzieni-sakaviku pavialičyŭsia, pavodle papiarednich danych, na 8,3-8,5% u paraŭnańni z anałahičnym pieryjadam 2006 hoda. Pra heta paviedamiŭ 5 krasavika prezidentu Biełarusi Alaksandru Łukašenku premjer-ministr Siarhiej Sidorski.
Jak paviedamiła pres-słužba kiraŭnika dziaržavy, abjom pramysłovaj vytvorčaści ŭ pieršym kvartale hetaha hoda ŭ paraŭnańni sa studzieniem-sakavikom 2006 hoda pavialičyŭsia na 9%. Krychu horš spracavali pradpryjemstvy kancerna «Biełdziaržcharčpram» z-za prablem sa zbytam biełaruskaha cukru.
Rentabielnaść realizavanaj pradukcyi ŭ studzieni-sakaviku skłałasia na ŭzroŭni 11-12%.
Farmavańnie dachodnaj častki biudžetu idzie ŭ adpaviednaści z zapłanavanami tempami.
Abjom inviestycyj u asnoŭny kapitał za try miesiacy ŭzros na 25% u paraŭnańni ź pieršym kvartałam 2006 hoda.
