Kamisar pa hramadskaj biaśpiecy štata Men (ZŠA) En Džordan pierahladaje zaklučeńnie palicyi ab pryčynach śmierci 20‑hadovaha biełaruskaha studenta, paviedamlaje hazieta «Men sandej telehraf».
Nahadajem, što ŭ červieni 2006 hoda ŭ horadzie Uełs (štat Men) byŭ znojdzieny miortvym student Biełaruskaha nacyjanalnaha techničnaha univiersiteta Alaksiej Vasileŭski, jaki pryjechaŭ u ZŠA pa letniaj prahramie «Praca i padarožža ŭ ZŠA».
Pavodle infarmacyi haziety, paśla praviadzieńnia śledstva palicejskija pryjšli da vysnovy, što małady čałaviek učyniŭ suicyd, i źbiralisia zakryć spravu. Adnak pasoł Biełarusi ŭ ZŠA Michaił Chvastoŭ nakiravaŭ hubiernataru štata Men Džonu Bałdačy list, u jakim vykazaŭ zaniepakojenaść tym, što palicejskija nazyvajuć u jakaści adnoj ź viersij śmierci A.Vasileŭskaha samahubstva. «A.Vasileŭski byŭ starannym, uraŭnavažanym čałaviekam, jaki nikoli nie mieŭ psichijatryčnych prablem», — adznačajecca ŭ liście. Pavodle infarmacyi amierykanskaj haziety, u svaim liście pasoł Biełarusi taksama vykazaŭ zaniepakojenaść tym, što biełaruski bok nie mieŭ mahčymaści aznajomicca z chodam śledstva i materyjałami spravy.
U suviazi sa zvarotam pasła hubiernatar Dž.Bałdačy prasiŭ kamisara pa hramadskaj biaśpiecy štata Men pierahledzieć vyniki rasśledavańnia.
Varta adznačyć, što 7 vieraśnia 2006 hoda ŭ Čykaha była zabita 21‑hadovaja biełaruska, jakaja taksama pryjechała ŭ ZŠA pa prahramie «Praca i padarožža ŭ ZŠA». Ab vynikach rasśledavańnia hetaha vypadku pakul nie paviedamlałasia.
❏
Źmiaščajem materyjał‑raśśledavańnie Iryny Čarniaŭki «Za što zabili biełaruskaha chłopca», nadrukavany ŭ «Našaj Nivie» 28 lipienia 2006 h.
