Jon apublikavany ŭ časopisie «Biełaruskaja dumka» ŭ rubrycy «Słova maładym vučonym».
Klučavaja dumka Volhi Pralaskoŭskaj ŭ tym, što va ŭmovach «kryzisu dziaržaŭnych ideałohijaŭ» robiacca zapatrabavanymi «małyja ideałohii subkulturaŭ». U najbolšaj stupieni jany majuć upłyŭ na moładź «z pryčyny niaŭstojlivych asobasnych kaštoŭnaściaŭ».
Pralaskoŭskaja pryvodzić prykłady taho, jak internet zaciahvaŭ moładź ŭ zakałoty padčas revalucyjaŭ u Jehipcie, Jemienie i Livii.Hetyja revalucyi jana nazyvaje «dziŭnymi». Na zakančeńnie maładaja daśledčyca palityčnych technałohijaŭ cytuje Alaksandra Łukašenku z zajavaju pra «inviestycyi ŭ moładź jak u našu budučyniu». «Nie mienš važnyja zhurtavanaść socyumu, upeŭnienaść ludziej u spraviadlivaści i žyćciazdolnaści hramadskaha ładu, davier da palityčnych lidaraŭ», — padsumoŭvaje aŭtarka.
Cikava, što aŭtarka stavić na adnu došku «ideałohii seksualnych mienšaściaŭ, ekałahičnych hrup, pravaabaroncaŭ i h.d." Adzin hety pierł pakazvaje na stupień navukovaści artykuła i vydańnia.
Što da situacyi ŭ Biełarusi, Volha Pralaskoŭskaja śćviardžaje, što «apanienty ŭłady prykryvajuć svaje namiery źbitymi kradzienymi łozunhami,a kancept «moładź — heta budučynia» vykarystoŭvajuć dziela prasoŭvańnia ŭłasnaj inicyjatyvy «Ruch budučyni».
Aŭtarka zaklikaje da zachadaŭ «dla niedapuščeńnia kansalidacyi nasielnictva ŭ miežach niehatyŭnaj prahramy».
0
0
0
0
0
0