Kamu vieryć: «Respublicy» ci «Savieckaj Biełarusii»? 7

Voś hazieta «Respublika» paviedamlaje mnie, što pierachod na zimovy čas — marnavańnie času: «… nie hraje (!) vyrašalnaj roli ŭ ekanomii elektraenierhii. Za košt takoha zrušeńnia na praciahu miesiaca, pakul hety efiekt naziraŭsia, u Biełarusi atrymlivałasia zekanomić 20 młn. kVt/h elektraenierhii. Heta składaje ŭsiaho 0,05% bła-bła-bła… «, — kaža načalnik vytvorča-techničnaha adździeła «Biełenierha» Volha Prudnikava. I jašče čytaju: «akramia taho, u vypadku pieravodu strełak vosieńniu na zimovy čas hety efiekt nivielavaŭsia». Jaki zmrok!

Ale jak być voś z hetym:

… Kastryčniku 2004 hoda, hazieta «SB» piša: «Adzin z klučavych matyvaŭ — ekanomija elektraenierhii: za 5 miesiacaŭ možna aščadzić 95–100 miljonaŭ kiłavat-hadzin».

… U sakaviku 2006 hoda «SB» piša: «Karyść, biezumoŭna, jość. Pa dadzienych Biełaruskaha dziaržaŭnaha instytuta mietrałohii, pieravod strełak ekanomić kala 5% elektraenierhii».

… I ŭ sakaviku 2010 hoda «SB» spasyłajecca na samibačyciekaho: «Admysłoŭcy „Biełenierha“ (!) praciahvajuć zapeŭnivać, što pierachod na letni čas dapamahaje zekanomić na aśviatleńni 90–95 miljonaŭ kVt/h (hetyja ličby nie źmianiajucca na praciahu apošnich hadoŭ) . A ŭ hrašovym vyražeńni vyhada ad źbieražeńnia enierhii- kala troch miljonaŭ dalaraŭ».

Kamu vieryć — nie viedaju ciapier

0

0

0

0

0

0

Viktar Mališeŭski

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH