Muzyki sabrali 23 miljony dalaraŭ paciarpiełym ad «Sendzi»

Padčas dabračynnaha muzyčnaha telešou Hurricane Sandy: Coming Together było sabrana 23 miljony dalaraŭ na karyść paciarpiełych ad urahanu «Sendzi». Amierykanski Čyrvony Kryž padziakavaŭ ŭsim udzielnikam šou i zaklikaŭ ludziej praciahvać achviaravać hrošy.

U telešou ŭziali ŭdzieł salist Aerosmith Styvien Tajler, Brus Sprynhścin, Kryścina Ahilera, Stynh, Džon Bon Džovi i inšyja viadomyja muzyki i televiadučyja.

Šou ŭjaŭlała saboj kancert, jaki čarhavaŭsia ź videafrahmientami z vyjavaj paciarpiełych rajonaŭ i zajavami zorak, jakija źviartalisia da hledačoŭ z prośbaj achviaravać srodki na karyść paciarpiełych ad urahanu.

Šou vyjšła ŭ efir 2 listapada, jaho možna było ŭbačyć u prostym efiry na telekanałach NBCUniversal: CNBC, MSNBC, E! Entertainment, The Weather Channel i Bravo, a taksama na kanałach niekatorych inšych sietak, jakija pahadzilisia dać efir.

Urahan «Sendzi» prajšoŭ pa Ńju-Jorku ŭ apošnija dni kastryčnika. U vyniku niekatoryja rajony horada byli zatoplenyja, na niekalki dzion byŭ spynieny ŭvieś haradski transpart, nie pracavali dziaržustanovy, teatry i fondavyja biržy. Pa apošnich dadzienych, tolki ŭ štacie Ńju-Jorkz-za ŭrahanu zahinuli 48 čałaviek. Škoda, naniesienuju Ńju-Jorku, aceńvajecca ŭ 18 miljardaŭ dalaraŭ.

Rolling Stone

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH