Ministar navakolnaha asiarodździa Rajmand Vejonis u interviju pieradačy Ranica.LV telekanała LTV7 zajaviŭ, što ciaham tydnia Łatvija planuje vyznačycca z pamieram kampensacyi, jakuju b chacieła atrymać ad Biełarusi ŭ suviazi z vyciekam naftapraduktaŭ u Daŭhavu (Dźvinu).
«Na hety momant ahulny ŭron nia vyznačany, heta budzie skončana 8 traŭnia», — zajaviŭ Vejonis. — Ahulny ŭron składaje prykładna $5 000 000 — heta ŭklučaje ŭ siabie ŭron pryrody i ŭsie našyja zatraty, jakija pajšli na toje, kab sabrać usie naftapradukty, što trapili ŭ Łatviju».
Nahadajem, što avaryja na naftapravodzie Unieča — Ventśpiłs adbyłasia 23 sakavika ŭ Biešankovickim rajonie, adkul adbyŭsia vyciek kala 100 tonaŭ dyzpaliva. Jano patrapiła ŭ raku Ułu — prytok Dźviny, a adtul u Dźvinu.
18 krasavika Rajmand Vejnis aceńvaŭ uron u 700 tys. dalaraŭ.