 |
Jak niadaŭna paviedamlali «Narodnyja naviny Viciebska», kupał ź nitryd‑tytanavym pakryćciom, jakoje imituje pazałotu, ustanavili na Śviata‑Dabravieščanskaj carkvie, što znachodzicca na nabiarežnaj Dźviny na płoščy Tysiačahodździa. Ubirać u «zołata» miascovyja chramy apošnim časam u Viciebsku stała modna. Z takoho ž materyjału zrobleny adnoŭlenyja kupał i kryž Śviata‑Hieorhijeŭskaj carkvy, jakaja staić niedaloka ad hatela «Łučosa».
Nahadajem, što letaś «zołatam» zaźziali taksama kupały Śviata‑Uvaskrasienskaj carkvy pobač z haradskoj ratušaj. Nitryd‑tytanavaje pakryćcio bolš tryvałaje da daždžu, śniehu, sonca i moža słužyć nie mienš, jak paŭstahodździa.
A ŭ Śviata‑Hieorhijeŭskaj carkvie dumajuć nie tolki pra źniešniuju pryhažość. Jak raspavioŭ adzin z prychadžan hetaha chrama, tut płanujuć pabudavać pravasłaŭnuju kaviarniu (padobnaja ŭstanova budzie ŭ Viciebsku pieršaj), a taksama stałovuju, dzie buduć charčavacca staryja i małazabiaśpiečanyja ludzi. Kali, kaniečnie, na hetyja prajekty budzie dazvoł miascovych uładaŭ.
Fota — Andrej Kuźniečyk
