Ciapier u Biełarusi ziamielnyja nadzieły buduć pieradavacca ź dziaržaŭnaj ułasnaści ŭ pryvatnuju pa kadastravym košcie. Adpaviednaja norma zamacavana ŭkazam №213 «Ab niekatorych pytańniach pieradačy ziamielnych nadziełaŭ u pryvatnuju ułasnaść hramadzian Respubliki Biełaruś».
U adpaviednaści z Kodeksam Respubliki Biełaruś ab ziamli pry adčužeńni ziamielnych nadziełaŭ, jakija znachodziacca ŭ dziaržaŭnaj ułasnaści, u pryvatnuju ŭłasnaść hramadzian Respubliki Biełaruś vykarystoŭvałasia ilhotnaja albo narmatyŭnaja cana.
Miž tym, narmatyŭnyja ceny na ziamielnyja nadzieły nie adlustroŭvali ich realnaha koštu, bo nia ŭličvali ŭ adpaviednaj miery miescaznachodžańnie ziamielnaha nadziełu i najaŭnaść inžynernaj, transpartnaj i sacyjalnaj infrastruktury.
U 2003 — 2005 hadach u respublicy praviedziena kadastravaja acenka ziamiel nasielenych punktaŭ, sadovych tavarystvaŭ i dačnaha budaŭnictva, vyniki jakoj śviedčać, što narmatyŭnyja ceny na ziamielnyja nadzieły nie adlustroŭvajuć ich realnaha koštu.
Dla paraŭnańnia: u h.Miensku narmatyŭnaja cana ziamielnych nadziełaŭ składaje $209 za 1 sotku, a kadastravy košt ich — u siarednim $2 357. Pry hetym kadastravy košt mianiajecca ŭ zaležnaści ad miescaznachodžańnia nadziełu i najaŭnaści raźvitoj infrastruktury ad $1 067 za 1 sotku da $6 930. Naprykład, u rajonie vulic Rafijeva, Haładzieda 1 sotka ziamli budzie kaštavać kala $1 300, vuł.Majakoŭskaha — $3 600, vuł.Vałhahradzkaj — $6 900.
U sielskich nasielenych punktach narmatyŭnaja cana ziamielnych nadziełaŭ za 1 sotku źmianiajecca ŭ zaležnaści ad typu hleby i vidu ziamli ad $1,2 da $477, a kadastravy košt za 1 sotku takich nadziełaŭ vahajecca ad $1 da $3 907. Naprykład, u Mienskim rionie ŭ v.Baraŭlany 1 sotka ziamli budzie kaštavać $710 — $2 500, a ŭ v. Juzufova $130 — $390.
Z 1 studzienia 2007 h. u Biełarusi spyniłasia pieradača ziamielnych nadziełaŭ ź dziaržaŭnaj ułasnaści ŭ pryvatnuju pa narmatyŭnych cenach..
Pa kadastravym košcie buduć ažyćciaŭlacca taksama pieradača ziamielnych nadziełaŭ u zakład dla atrymańnia bankaŭskaha kredytu, ustanaŭleńnia pamieraŭ płaciažoŭ za ziamlu, vyznačeńnia pamieru kampensacyi albo startavych cen na aŭkcyjonach.
