Siońnia na imia salihorskaha aktyvista niezarehistravanaha «Maładoha frontu» 17-hadovaha Ivana Šyłu pryjšoŭ pazoŭ. Jamu zahadana źjavicca zaŭtra a 11:00 u prakuraturu ŭ jakaści padazravanaha ŭ kryminalnaj spravie. Pakul Ivan navat kankretna nia viedaje u čym mienavita jaho abvinavačvajuć.
U paniadziełak Ivana Šyłu vyklikali ŭ prakuraturu, kab jon daŭ pakazańni ŭ spravie «Maładoha frontu». Chłopiec admoviŭsia heta rabić, adznačyŭšy, što, kali chočuć ad jaho niešta pačuć, to niachaj vyklikajuć, jak padazravanaha. U čaćvier viečaram pryjšoŭ taki pazoŭ.
Varta adznačyć, što siońnia taksama adnavili kryminalnuju spravu suprać baranavickaha «maładafrontaŭca» Jarasłava Hryščyniu, spravu jakoha prypynili 24 krasavika. U Hryščeni taksama zaŭtra budzie dopyt u prakuratury.
Takim čynam ciapier pa kryminalnaj spravie «Maładoha frontu» prachodziać siamiora čałaviek, aproč Šyły i Hryščeni — heta Źmicier Chviedaruk, Alaksiej Janušeŭski, Nasta Pałažanka, Aleh Korban i Barys Harecki.
