Siońnia vyjšaŭ specyjalny vypusk hazety «Haradzienskaja Svaboda», pryśviečany dziejańniam haradzienskich uładaŭ pa razbureńni horadu j inicyjatyvam hramadzkaj kampanii «Vyratujem Horadniu».
Jak paviedamlaje pres‑słužba prychilnikaŭ ruchu «Za Svabodu!» u Horadni, u numary źmieščanaja infarmacyja pra haradzki referendum, inicyjavany pradstaŭnikami miascovaj intelihiencyi, a taksama kantakty kaardynataraŭ inicyjatyvy. Planujecca, što referendum vyznačyć staŭleńnie žycharoŭ Horadni da razbureńnia ŭładami histaryčnaj častki horadu.
Žychary Horadni ŭ «Haradzienskaj Svabodzie» znojduć chranalohiju apošnich padziejaŭ vakoł razbureńnia haradzienskimi ŭładami histaryčnaj častki horadu, fakty procidziejańnia ŭładaŭ i milicyi moładzi, jakaja abaraniaje histaryčnyja budynki, vyznačanyja pad znos.
U hazecie taksama źmieščany adkryty list adnaho ź lideraŭ demakratyčnych siłaŭ Biełarusi Alaksandra Milinkieviča da staršyni Haradzienskaha harvykankamu pad nazvaj «Mer Antonienka — nia budźcie razburalnikam Horadni».
Vypusk hazety budzie pastajannym.
