Cmoki a piaci hałovach niežyćciazdolnyja 7

Zakančeńnie terminu - 15 žniŭnia. Dumaju dapamahać Milinkieviču stvarać ruch "Za svabodu". Rabić BCHD viadučaj partyjaj Biełarusi, padtrymlivać Małady Front, zaniacca aśvietnickaj inicyjatyvaj "Nacyjanalnaje abudžeńnie", pracavać nad ramanam. A na pačatku źbirajusia abjechać usie harady i vioski, adkul mnie listavali i pryjaždžali.

Hałoŭnaje – duchovaje kštałtavańnie: Boh viedaje, dzie treba być kožnamu z nas. A jašče ŭśviedamleńnie taho, nakolki mocnaj moža być Biełaruskaja salidarnaść. Na hety momant mianie naviedali bolš 500 čałaviek i dasłali 1478 listoŭ.

Darahi Śniežny Čałaviek, miarkuju, navat arhanizatary kanhresu nia ŭ stanie tołkam patłumačyć, navošta.

Jašče naprykancy 2001 h, kali lidery BNF na źjeździe admovilisia ad prapanavanaha prajektu chryścijanskaj demakratyčnaj prahramy, mnie stała zrazumieła, što takaja partyja musić być stvorana.

Na žal, voś užo hod u našaj partyjnaj pazycyi – ani vertykali, ani haryzantali. Adno paraleli.

1. Plany i perspektyvy BCHD – zrabicca najbolš masavaj i ŭpłyvovaj palityčnaj siłaj u Biełarusi Stratehija na najbližejšy hod – naładžvańnie ŭzajemadziejańnia z usimi chryścijanskimi supolnaściami i hramadzkim aktyvam krainy. Pakul BCHD nie zarehistravanaja, mahčyma, budziem padavać dakumenty paśla ŭstanoŭčaha źjezdu.

2. Kali kazać pra reformy, Słavaččyna, Polšča, Litva. I – Biełaruś u Eŭropu!

3. Sfarmulavana ŭ prahramie BCHD (www.bchd.info)

4. Pra Boha.

1. Zmahańnie važnaje, bo heta supraciŭ chłuśni, nianaviści dy strachu. Pavodle Efescaŭ 6:12.

2. Abaraniać maralnaść, zakonnaść, i chryścijanskija normy ŭ svaim horadzie ci miastečku.

Maci Chrosnaja MF napisaŭ(ła)

Travień 7, 2007 u 22:41

Dla mianie heta Žyćcio. Bolš padrabiazna pišu ŭ knizie “Nacyjanalnaja ideja” (www.sieviarynets.net)

Dziakuj

Tak, jak było spyniena razbureńnie Kurapataŭ u 2001-2002 hadach. Kruhłasutkavaja varta socień aktyvistaŭ, ludzkaja salidarnaść i adnačasova – šyrokaja infarmacyjnaja kampanija siarod žycharoŭ Horadni. Za histaryčnuju Horadniu musić zmahacca nie adno apazycyja, a ŭ pieršuju čarhu sami haradziency.

1. Pravasłaŭny.

2. BCHD – nadkanfesijnaja partyja. Tut bahata i pravasłaŭnych, i katalikoŭ, i pratestantaŭ. A siarod staršyniaŭ arhkamitetu pradstaŭlenyja ŭsie kanfesii.

Pryvitańnie biarozaŭcam!

Jakraz zaraz rychtujem da vydańnia kampakt “Biełaruski chryścijanski chit”. Treba prasłuchać bolš za 40 albomaŭ. Tamu słuchaju: Tezaŭrus, Staroha Olsu, NRM, Pałac, Ciareščanku, Mielnikava, Unukoŭskuju, kanfesijnyja hurty, kaściolnyja dy carkoŭnyja śpievy. Kampakt budzie – super! A Połacki sšytak – heta cud.

Tyja, chto vinavaty, u zabojstvach, iłžeśviedčańniach dy palityčnym pieraśledzie, abaviazkova adkažuć. I pierad biełaruskim sudom, i pierad Boskim. Ale ačyščeńnie i pakajańnie – sprava ŭsienarodnaja. My ŭsie musim kajacca za apošnija 13 hadoŭ.

Čytajcie 1-je da Karyncianaŭ 6:9-10 abo 1-je Piatra 4:3.

Dziakuj za toje, što ŭvažliva čytali knihu. Ciemrašalstva – heta kali molacca na pieruna, kałduna, lenina, ci jašče jakoje idališča. Nazyvajučy pahanstva mienavita pahanstvam, biełaruski narod mieŭ racyju.

Adkazvaŭ nieadnarazova. Paŭtaru: spačatku – pieramoha.

1. Darahija veterany! Ščyra vinšuju vas z Dniom pieramohi nad nacyzmam. Zyču mocnaha zdaroŭja, viery, voli, Božaj łaski i razumieńnia: pieramoha nad jašče strašniejšym złom, kamunizmam, nam patrebnaja zaraz nia mienš, čym u 1945.

2. Bieł-čyrvona-bieły ściah – heta ściah Chrysta.

Pakul režym razburaje krainu – tut hod hryzucca, chto hałoŭny. U Biełarusi asnoŭnaja siła nacyjanalnaha ruchu hurtujecca zaraz vakoł Milinkieviča. Možna iznoŭ ža, spračacca, ci paciahnie, a možna ŭprehčysia i dapamahčy. Ruch “Za Svabodu” moža stać tym, čym byŭ naprykancy 1980-ch BNF abo navat "Salidarnaść" u Polščy – zadatki dla hetaha jość.

1. Sercu Eŭropy miesca ŭ EZ. Liču, što Biełarusi treba iści ŭ Eŭropu, kab nadavać joj chryścijanskaha kštałtu – razam z Polščaj, Słavaččynaj, krainami Prybałtyki, Serbijaj i Charvatyjaj, Rumynijaj, Baŭharyjaj, Ukrainaj, Čechijaj, Małdovaj. Turcyi ŭ składzie EZ nie ŭjaŭlaju.

2. Preambułu Statutu VKŁ składali cytaty ź Biblii. Biełaruskaj Kanstytucyi patrebnaje i pryznańnie roli chryścijanstva ŭ historyi Biełarusi, i hruntavańnie samoha asnoŭnaha zakonu na duchu Evanhiella.

Dziakuj. Na žal, na muzyčnych instrumentach nia hraju. Muzyčnuju škołu skončyli dźvie maje siastry. Darečy, jany mianie padtrymlivajuć. Śpiavać lublu.

Luboŭ pieradusim. Viedajecie, jość dobraje vysłoŭje “Boh lubić nas takimi, jakija my jość, ale lubić nastolki mocna, što nia moža pakinuć nas takimi, jakija my jość". Pieršaje, što musić rabić chryścijanin dla pahanca ci “błakitnaha” – heta skazać, što Boh ich lubić, i dziela ichniaha zbavieńnia choča pakajańnia i źmianieńnia.

Pra tych, chto stavicca da viernikaŭ spakojna dy talerantna, Evanhielle kaža: “Chto nia suprać vas – toj za vas”. Majecie racyju, što viera – vynik asabistaha rašeńnia, a nie prymusu ci “mody”, Pryčym biełaruskaja nacyjanalnaja ideja ŭnikalna-chryścijanskaja ŭ svajoj sutnaści. Biełaruś nia moža być biazbožnaj (abo pravasłaŭna-ateistyčnaj). A viera ŭ Boha trymaje i paśpiachovyja hramadztva, i dziaržaŭny ład – tak ličyli Vašynhton i Linkaln, Skaryna i Sapieha, Kalinoŭski i Paźniak.

Kniha “Bratu” artykuły 1997-2007 hadoŭ užo ŭ druku. "Listy ź lesu", dziakujučy "Našaj nivie", vyjduć asobnaj knihaj. Čytajcie na sajcie www.sieviarynets.net albo pytajciesia na ŭpravach BNF, TBM ci ŭ niezaležnych raspaŭsiudnikaŭ. Zaraz pišu raman pra Biełaruś, pracuju nad im štodnia, ale ž reč abjomnaja.

Za Źmitrom Daškievičam evanhielizacyja ŭ Maładym froncie była najbolš mocnaj, i heta cudoŭna. “Tam dzie dvoje ci troje źbiarucca ŭ imia Majo, tam i Ja siarod ich”. A ŭ śpieŭnaj malitvie “Mahutny Boža” maładafrontaŭcy duchova jadnajucca ŭžo ciapier. Uvohule ž sumiesnaja malitva patrebnaja ŭsim biełarusam!

Dziakuj za Słova.

Pakul jość stary režym – budzie i Małady Front. Mnohija maładafrontaŭcy jakraz i damahajucca mirnaha žyćcia, kab u jaho narešcie ŭpisacca. A pakul zaprašaju ŭsich udzielnikaŭ onłajnu 28 traŭnia a 10-j (siońnia stała viadoma, što sud pieraniesieny) na sud pa spravie Maładoha frontu (Łahojski trakt, 3)!

U samoj idei ŭzdymać sialanskuju Biełaruś praz maładych admysłoŭcaŭ z universyteckich haradoŭ jość racyja – ale ž vypusknikoŭ treba matyvavać, da pracy ŭ vioscy, a nie prymušać. U novaj Biełarusi hetym zojmucca dy-džei Adradžeńnia (darečy, šoŭ biełaruščyny ź ichnim udziełam i zaraz možna zamović praz telefon 694-82-80).

1. Rasieja razdźmuła mižnarodny kanflikt ź biesparadkami i achviarami ŭ susiedniaj krainie. Na miežach z Prybałtykaj, Hruzijaj, u Prydniastroŭi, Paŭdniovaj Asiecii, Abchazii, u Krymie, a taksama pasiaredzinie Ŭkrainy i (uvaha!) na zachodniaj miažy Biełarusi imperyja sutarhava sprabuje namacać “zachodni vał” suprać demakratyi. Estonija – złučvo ŭ hetym łancuhu.

2. "Nacyjanalnaje abudžeńnie" zadumvajecca jak aśvietnickaja sietka pavodle formuły “chryścijanizacyja biełarusaŭ – biełarusizacyja chryścijanaŭ”. Heta i kursy dy-džejaŭ, i šoŭ biełaruščyny, i internetavyja prajekty i vydańni kampakt-dyskaŭ, i videa, i adukacyja pa ŭsioj krainie.

3. Kali pakajecca, pavieryć i pačnie vykonvać volu Božuju.

Dziakuj.

1. Heta ludzi, jakija abaraniali svaju Radzimu i ad kamunistyčnaj, i ad fašystoŭskaj akupacyi.

2. Najpierš našyja sajuźniki ŭ Rasiei heta demakratyčna nastrojenyja chryścijanie, jakija razumiejuć imperskuju sutnaść siońniašniaj RF i imknucca da ahulnarasiejskaha pakajańnia dy ŭnutranaha pieratvareńnia.

3. Najlepš u takoj sytuacyi padrychtavacca da najhoršaha varyjantu. Viedaju, što maładafrontaŭcy z hetym spravilisia, ale spadziajusia, to abydziecca biez turmy.

4. Padtrymlivaju. Ale pytańnie nia ŭ Radzie, nie ŭ Janukoviču i navat nie ŭ Maskvie. “Aranžavyja” nie strymali hałoŭnaha abiacańnia, dadzienaha ŭkrainskamu narodu na Majdanie: zrabić palityku sumlennaj i adkaznaj. Hrošy, ambicyi i “prahmatyzm” pieravažyli maralnaść – i vynik zakanamierny. Zaraz u Juščanki i Juli – druhi šaniec.

5. U sensie, u jakim słova "nacyjanalist" užyvajuć čytačy "Našaj Nivy",– tak. Ale ŭvohule addaju pieravahu aznačeńniu “biełaruski patryjot”

Pra plany adkazaŭ na pačatku. A raman – reč bujnaja. Daj, Boža, kab za 2,5 -3 hady ŭdałosia zavieršyć.

“Kali ŭ chryścijanina ničoha nie balić, -- kaža biełaruski prapaviednik Juraś Śmirnoŭ, -- značyć albo jon užo pamior, albo jon jašče nie chryścijanin”. Vaładarstva Niabiosnaje -- vysiłkami dasiahajecca. Nasamreč tut niama ničoha składanaha, usio prosta. Ale časam nialohka – ciažka.

Biełaruś. Jakaja vieryć i lubić.

1. Hatovy dapamahać Milinkieviču.

2. Zaraz “eŭrapiejskaja kaalicyja” prapanuje stratehiju dziejsnaha zmahańnia, a nie evalucyju a piaci hałovach.

"Braty Karamazavy”. Uražańnie vielmi mocnaje. Najbolš čytaju chryścijanskaje litaratury: Aŭhuścin, Alaksandar Mień, Jan Pavał Druhi, Alaksiejaj Ladziajeŭ, Adam Stankievič.

Nakolki ja viedaju, maładafrontaŭcy pryniali rašeńnie adpravić Alaksieja za miažu, bo jon adkazny za pracu sajtu (www.mfront.net). Chod słušny.

Na žal, vybaraŭ u nas daŭno niama. Kampanii pravodzić budziem. A nacyjanalnamu ruchu treba jadnacca, majecie racyju, i trymacca adzinaj mocnaj stratehii: biełaruskaj pavodle movy, eŭrapiejskaj pavodle formy i chryścijanskaj pavodle źmiestu.

Supolnaść chryścijanskich cerkvaŭ musić stać asnovaj biełaruskaha hramadztva (ad dziaržavy carkva adździelenaja). Biełaruskamu ekzarchatu RPC nakanavana ruchacca ŭ kirunku samastojnaści, aŭtakiefalii i adradžeńnia biełaruskaha pravasłaŭja Eŭfrasińni Połackaj, Kiryły Turaŭskaha i mitrapalita Miełchisedeka.

Vialiki dziakuj! Nakolki ja viedaju ź bijalohii cmoki a piaci hałovach nie žyćciazdolnyja. Nielha dazvolić kamunizmu ŭziać revanš u Abjadnanych demakratyčnych siłach.

Biezumoŭna, varta. Šoŭ prachodziać z pośpiecham voś užo 11-y hod, raźličvajem tolki pašyracca (jašče raz nahadvaju, zamaŭlajcie praz telefon 694-82-80).

Dośvied kaalicyi “Pieramienaŭ!” 2000-2001 hh. I maładziovaj mabilizacyjnaj kampanijaj 2005-2006 davodzić: biurakratyčnyja pracedury moładzi supraćpakazanyja. Pośpiech majuć samakiroŭnyja ruchi ź jasnaj idejaj, zmaharnym ducham i raskručanym imiem – takija, jak Małady front.

Milinkieviču treba hurtavać i jadnać nacyjanalny ruch, pieratvarać jaho ŭ masavuju źjavu i trymać inicyjatyvu. Kali “Za svabodu” źjadnaje chacia b usich ludziej, chto chodzić ciapier z adpaviednymi značkami – astatnija palityčnyja siły kinuć majacca kuluarami i dałučacca.

Nie, nie zapałochała. Vierym, možam, pieramožam!

1. Maładafrontaŭcy – małajcy. Režym voś užo hod sprabuje chacia b asłabić MF, ale atrymlivajecca roŭna supraćlehłaje. Dziesiacihoddździe Maładoha frontu 6 vieraśnia, pierakanany, ruch budzie adznačać jednym, družnym i mocnym.

2. Jak viarnusia, źbirajusia dapamahać maładafrontaŭcam ŭsim, čym mahčyma.

3. Pra BCHD hladzicie vyšej,

4. Nakont biełaruskaj aŭtakiefalii spadziajusia, što ŭrešcie samastojnym zrobicca Biełaruski ekzarchat. Ja prychadžanin carkvy, jakaja naležyć da Biełaruskaha ekzarchatu, ale viernikaŭ BAPC viedaju i padtrymlivaju.

Vialiki dziakuj za dobryja słovy, naviedać u Małym Sitnie mianie možna, ale varta mieć na ŭvazie, što tydzień pracuju ŭ pieršuju źmienu, tydzień – u druhuju. Daviedacca možna ŭ baćkoŭ (8-0212-21-45-31): Taciana Jaŭhienaŭna, Kanstancin Paŭłavič.

Kiepska staŭlusia. Handlavać radzimaj nielha. A 2 krasavika dla siciencaŭ było prosta pachmielnym paśla Dnia durnia.

Na moj pohlad, kredyt davieru zaraz jość u Alaksandra Milinkieviča, Zianona Paźniaka, Viačasłava Siŭčyka, Mikałaja Statkieviča. Hałoŭnyja jakaści dla luboha palityka – heta adkaznaść, sumlennaść, pryncypovaść, viera ŭ Boha.

Manifest, na žal, nie čytaŭ.Paśla viasny 2006 h. stvaryŭsia vializny popyt na maładziovuju aktyŭnaść, adsiul i vialikaja kolkaść roznych moładzievych inicyjatyvaŭ.

Na žal z Małoha Sitna ciažkavata razhledzicu, ci realnaja bolšaść ź ich.

“Zubr” byŭ vielmi prafesijna zbudavanaj markietynhavaj sietkaj. Niekalki hadoŭ jon realna kankuravaŭ z Maładym frontam za liderstva siarod biełaruskaj moładzi. Ale kali “Zubr” sprabavaŭ nakinuć biełaruskaj moładzi liberalnuju idealohiju, dyk Małady front byŭ i jość prajektam, zasnavanym na nacyjanalnaj idei i chryścijanskich pryncypach.

Vielmi pryjemna, Vola. Uzajemna pryvitańni Mirasłavie. Da medyjnych prajektaŭ dla biełarusaŭ z-za miažy, kali jany biełaruskamoŭnyja, staŭlusia dobra. Na žal, nia maju spadarožnikavaj miski. Da kastryčnika treba budzie nabyć.

Vializny dziakuj čytačam “Našaj Nivy”. Mienavita Vy ŭ ahromnistaj stupieni natchniajecie za zmahańnie. Vierym, možam, pieramožam!

***

Pavał Sieviaryniec — nar. u 1976 u Voršy, vyras u Viciebsku, u šmatdzietnaj siamji žurnalista i nastaŭnicy. Karaniami z homielskaha Padniaproŭja (baćka), łuninieckaha Paleśsia (maci). Hieolah pavodle adukacyi, skončyŭ BDU. Zasnavalnik Maładoha Frontu (1997). Stvaralnik Biełaruskaj chryścijanskaj demakratyi. Šmat razoŭ aryštoŭvaŭsia. U 1998 hodzie na dva miesiacy byŭ kinuty na Vaładarku za arhanizacyju akcyi suprać uvachodžańnia ŭ sajuz z Rasiejaj. U 2005 hodzie asudžany da dvuch hadoŭ «chimii» za akcyju pratestu suprać falsyfikacyi narodnaha volevyjaŭleńnia na referendumie‑2004. Adbyvaje pakarańnie ŭ Małym Sitnie, na krajniaj poŭnačy Połaččyny. Aŭtar šerahu knih, siarod jakich «Nacyjanalnaja ideja».