 |
U Miensku ŭ vychodnyja prajšoŭ XII čarhovy spravazdačna?vybarny źjezd Partyi kamunistaŭ biełaruskaj. Delehaty pieraabrali na pasadu pieršaha sakratara Centralnaha kamitetu partyi Siarhieja Kalakina. U skład CK partyi abrany 51 čałaviek.
U źjeździe, jaki dva dni prachodziŭ u Pałacy kultury mienskaha aŭtazavodu, udzielničała bolej za 200 delehataŭ z roznych rehijonaŭ Biełarusi, a taksama hości z Francyi, Italii, Danii, Čechii, Małdovy, Palestyny i inšych krainaŭ.
Delehaty ŭnieśli źmieny ŭ statut partyi i ŭchvalili šerah rezalucyjaŭ. U pryvatnaści, kamunisty buduć damahacca ŭviadzieńnia ŭ skład vybarčych kamisijaŭ pradstaŭnikoŭ apazycyjnych siłaŭ, nieŭmiašańnia ŭładaŭ u vybarčy praces, admieny daterminovaha hałasavańnia, roŭnaha dostupu ŭsich kandydataŭ da ŚMI i zabieśpiačeńnia nazirańnia za padlikam hałasoŭ.
Adnahałosna pieršym sakratarom Centralnaha kamitetu Partyi kamunistaŭ biełaruskaj pieraabrany Siarhiej Kalakin.
«Było prademanstravana adzinstva pohladaŭ pa stratehičnych napramkach, — skazaŭ u interviju «Svabodzie» Siarhiej Kalakin. — Dumaju, što Partyja kamunistaŭ biełaruskaja budzie adnym z samych pieradavych atradaŭ baraćby za demakratyzacyju Biełarusi.
Usie pytańni, što my vynosili, byli pryniatyja. Była ŭchvalenaja taja pazytyŭnaja stratehija i alternatyva dla raźvićcia Biełarusi. Partyja kamunistaŭ budzie nia tolki praciahvać svaju baraćbu ŭ ramkach abjadnanych demakratyčnych siłaŭ, jana budzie ŭ avanhardzie hetych siłaŭ i pracesaŭ, što adbyvajucca ŭ Biełarusi. Źjezd paćvierdziŭ stratehiju našaj partyi. Dumaju, u hetym hałoŭny vynik źjezdu».
Kiraŭnikom frakcyi Partyi kamunistaŭ biełaruskaj na Kanhresie demakratyčnych siłaŭ, što pačniecca 26 traŭnia ŭ Pałacy kultury aŭtazavodu, abrany Valery Uchnaloŭ.
