Rasieja zajmaje pieršaje miesca ŭ śviecie z ulikam užyvańnia tytuniu na adnaho žychara, rostu kolkaść kurcoŭ i paleńni cyharetaŭ niepaŭnahadovymi. A pa abjomach vytvorčaści tytuniu jana na trecim miescy paśla Kitaju i ZŠA.
Na praciahu apošnich 10 hod vytvorčaść cyharetaŭ u Rasiei ŭzrasła ŭ dva razy: z 206 młrd. adzinak u 1996 h. da 413 młrd. adzinak u 2006 h. Za hety čas taksama značna pavialičyłasia śmiarotnaść ad chvorobaŭ, źviazanych z paleńniem: z 250 tys. da 400 tys. u hod. Kožny dzień tytuń zabivaje bolš za 700 rasiejcaŭ, što jość adnoj z najvažniejšych pryčynaŭ rasiejskaha demahrafičnaha kryzisu.
U Rasiei, dzie žyvuć zvyš 144 młn. čałaviek, palać kala 60 adsotkaŭ mužčynaŭ i kala 15 adsotkaŭ žančynaŭ. Za hod rasiejcy vypalvajuć 375 młrd. cyharetaŭ.
