Prezydent Polščy Lech Kačynski zajaviŭ, što Polšča nia maje namieru pravodzić pieramovy z Rasiejaj nakont pytańnia ab raźmiaščeńni na svajoj terytoryi elementaŭ amerykanskaj systemy PRA.
«Z Rasiejaj pra heta my dakładna nia budziem razmaŭlać. Heta dačynieńni – pamiž nami i ZŠA», — skazaŭ prezydent Polščy. «Pierakananaść Rasiei, što joj pahražaje niejkaja niebiaśpieka, całkam nieapraŭdanaja».
Prezydent adznačyŭ, što Polšču «amerykanskija rakiety buduć abaraniać ad mahčymaha napadu z boku niepradkazalnych krain — Irana i Paŭnočnaj Karei». Na dumku Kačynskaha, ustanoŭka elementaŭ PRA ŭ Polščy zmoža vyrašyć prablemu biaśpieki ŭsioj Eŭropy, a nia tolki jahonaj krainy.
Pavodle polskaha prezydenta, novaj «Varšaŭskaj damovy ci Savieta ekanamičnaj uzajemadapamohi na terytoryi byłych sackrain užo nia budzie... Rasieja pavinna da hetaha pryzvyčaicca », a zaplanavany vizyt Džordža Buša ŭ Polšču ŭ červieni hetaha hodu pierakanaje palakaŭ u słušnaści pytańnia raźmiaščeńnia PRA.
Lech Kačynski skazaŭ, što ŭ adroźnieńnie ad Čechii, polski parlament nia ŭmiešvajecca ŭ pytańnie raźmiaščeńnia systemy PRA, bo hetaje pytańnie znachodzicca ŭ kampetencyi MZS Polščy.
