15.36
Maładafrontaŭcy vyjšli z zali sudu. Ich vitaje vokličami "Žyvie Biełaruś!" na hanku 200 čałaviek z kvietkami i pavietranymi balonikami. Adkarkavali šampanskaje. Barys Harecki zajaviŭ, što pad ciskam hramadzkaści sud vymušany byŭ adstupić. Darečy, siońnia Alaksieju Janušeŭskamu, jaki znachodzicca ŭ Čechii, spoŭniłasia 20 hadoŭ.
15.31
Vyniesieny prysud. Sudździa Rusłan Aniskievič pryznaŭ siabraŭ MF vinoŭnymi ŭ parušeńni art. 193 Kryminalnaha kodeksu "Dziejnaść ad imia niezarehistravanaj arhanizacyi".
Źmicier Chviedaruk atrymaŭ 40 bazavych vieličyń štrafu (1 młn 240 tys.), Aleh Korban, Alaksiej Janušeŭski, Barys Harecki -- pa 30 b.v. kožny (930 tys.), Naście Pałažancy vyniesiena pieraściaroha (priedostieriežienije). Systemnyja bloki i vinčestary kanfiskavanyja ŭ dachod dziaržavy.
15.22
Usich zapuścili ŭ zalu suda. Pasiedžańnie pakul nie pačałosia.
14.55
Kala budynku sudu Savieckaha rajonu Mienska (Łahojski trakt, 3) sabralisia kala 60 čałaviek. U asnoŭnym maładafrontaŭcy, žurnalisty. Ź viadomych ludziej prysutničajuć Viačasłaŭ Siŭčyk, Aleś Bialacki, Valer Ščukin, Siarhiej Bachun, Śviatłana Zavadzkaja, baćka Źmitra Daškieviča sp. Viačasłaŭ.
Źmicier Chviedaruk, Nasta Pałažanka, Barys Harecki stajać jašče na vulicy, u sud nie zachodziać. Čakajuć Aleha Korbana.
Nievialikaja kolkaść ludziej tłumačycca častkova tym, što niedaloka ad budynka suda na tramvajnych šlachach (na Vałhahradzkaj) adbyłasia nievialikaja avaryja, i transpart častkova spyniŭsia. Vidać, asnoŭnaja masa jedzie jakraz tramvajem.
Nahadajem, što ŭčora dziaržabvinavaŭca Michonskaja "prapanavała" pakarać čatyroch maładafrontaŭcaŭ štrafam u 500 b.v. kožnaha (15 młn 500 tys.), a Nastu Pałažanku -- vypraŭlenčymi pracami.
