Z 1 pa 3 červienia 2007 h. Biełaruś naviedaje ź vizitam Staršynia Papskaj Rady pa dušpastyrstvie słužby achovy zdaroŭja kardynał Chavjer Łasana Barahan (ministr achovy zdaroŭja Vatykana).
U pieršy dzień vizitu Jaho Eminencyja budzie prysutničać na moładzievaj sustrečy ŭ minskim archikatedralnym kaściole, dzie ŭdzielić studentam, navučencam i školnikam pantyfikalnaje błahasłaŭleńnie na paśpiachovuju zdaču ispytaŭ.
2 červienia kardynał Chavjer Łasana Barahan voźmie ŭdzieł u III Mižnarodnaj miedycynskaj kanfierencyi, jakaja budzie prachodzić u Viciebsku z 1 pa 4 červienia, a 3 červienia ŭznačalić uračystuju celebracyju liturhii ŭ sanktuaryi Viciebskaj dyjacezii Maci Božaj Vaładarki Azioraŭ u Brasłavie. Padčas vizitu vysokaha hościa zapłanavany šerah sustrečaŭ.
