U Biełarusi ŭ studzieni-krasaviku 2007 hodu salda źniešniaha handlu skłałasia admoŭnym u pamiery 1162.5 młn. USD, paviedamlaje Ministerstva statystyki j analizu. Za krasavik 2007 hodu admoŭnaje salda vyrasła na 307,1 młn. USD. U studzieni-krasaviku 2006 hodu admoŭnaje salda składała 391.0 młn. USD.
Abjom źniešniaha handlu tavarami ŭ studzieni-krasaviku 2007 hodu pavialičyŭsia na 16,3% u paraŭnańni z analahičnym peryjadam 2006 hodu i skłaŭ 14318.3 młn. USD.
Pry hetym z ahulnaha abjomu ekspartu pastaŭki ŭ krainy SND pavialičylisia na 28,1% u paraŭnańni z studzieniem-krasavikom 2006 hodu i skłali 3115.3 młn. USD. Ekspart u Rasieju pavialičyŭsia na 27,2% i skłaŭ 2463.1 młn. USD, va Ŭkrainu na 17,3% da 388.2 młn. USD. Ekspart u krainy pa-za SND źniziŭsia na 1,9% i skłaŭ 3462.6 młn. USD. Ekspart u Niamieččynu źniziŭsia na 43,9% i skłaŭ 147.2 młn. USD.
U ahulnym abjomie impartu pastaŭki z krain SND pavialičylisia na 14,2% i skłali 4965.9 młn. USD. U tym liku, abjom impartu z Rasiei pavialičyŭsia na 11,7% i skłaŭ 4465.9 młn. USD. Impart z Ukrainy pavialičyŭsia na 37,6% i skłaŭ i skłaŭ 416.2 USD. Z krain pa-za SND Biełaruś pavialičyła impart 38,4% da 2774.5 młn. USD. Impart ź Niamieččyny pavialičyŭsia u 1,7 razu i skłaŭ 655.3 młn. USD.
Admoŭnaje salda ŭ handli Biełarusi z krainami SND skłała 1850.6 młn. USD, u tym liku z Rasiejaj — 2002.8 młn. USD, z Ukrainaj — 28 młn. USD. U handli z krainami pa-za SND stanoŭčaje salda skłała 688.1 młn. USD. Admoŭnaje salda ŭ handli ź Niamieččynaj skłała 508.1 młn. USD.
U 2006 hodzie ŭ Biełarusi admoŭnaje salda źniešniaha handlu tavarami skłała 2584.7 młn. USD. Na 2007 hod pastaŭlenaja zadača zabiaśpiečyć salda źniešniaha handlu stanoŭčym na ŭzroŭni 500 młn. USD.
